ଉହାନ : ଚୀନର ଉହାନରେ ଦ୍ରୁତ ଗତିରେ କରୋନା ଭାଇରସ ବ୍ୟାପୁଛି । ଏହାକୁ ଆଖି ଆଗରେ ରଖି ଭାରତ ସରକାର ଦୁଇଟି ପର୍ଯ୍ୟାୟରେ ଭାରତୀୟ ଛାତ୍ରଙ୍କୁ ଚୀନରୁ ଫେରାଇ ଆଣିଛନ୍ତି । କିନ୍ତୁ ଚୀନରେ ଥିବା ପାକିସ୍ତାନୀ ଛାତ୍ରଙ୍କ ମଧ୍ୟରେ ଅସନ୍ତୋଷ ସୃଷ୍ଟି ହୋଇଛି । ପାକିସ୍ତାନ ସରକାର ତାଙ୍କ ନାଗରିକଙ୍କୁ ଚୀନରୁ ଫେରାଇ ଆଣିବା ପାଇଁ କିଛି କରୁନାହାଁନ୍ତି । ଏନେଇ ଏକ ଭିଡିଓ ଭାଇରାଲ ହେଉଛି । ଯେଉଁଥିରେ ଜଣେ ପାକିସ୍ତାନୀ ଛାତ୍ର କହୁଛନ୍ତି କି, “ପାକିସ୍ତାନ ସରକାରକୁ ଲଜ୍ଜା ଲାଗୁ । ଭାରତ ଠାରୁ କିଛି ଶିଖ । ସେମାନେ କେମିତି ନିଜ ନାଗରିକଙ୍କ ଧ୍ୟାନ ରଖୁଛନ୍ତି ।”
Pakistani student in Wuhan shows how Indian students are being evacuated by their govt. While Pakistanis are left there to die by the govt of Pakistan: pic.twitter.com/86LthXG593
— Naila Inayat नायला इनायत (@nailainayat) February 1, 2020
ସୂଚନାଯୋଗ୍ୟ, ପାକିସ୍ତାନର ପାଖାପାଖି ୮୦୦ ଛାତ୍ର ଉହାନ ବିଶ୍ୱବିଦ୍ୟାଳୟରେ ଫସି ରହିଛନ୍ତି । ଯେଉଁଠି କରୋନା ଭାଇରସର ପ୍ରକୋପ ରହିଛି । ପାକିସ୍ତାନୀ ରାଷ୍ଟ୍ରଦୂତ ସୂଚନା ଦେଇଛନ୍ତି, “ପାକିସ୍ତାନ ଏହି ଭାଇରସ ସହିତ ଲଢ଼ିବାକୁ ପ୍ରସ୍ତୁତ ନୁହେଁ । ପାକିସ୍ତାନରେ ଉନ୍ନତ ସ୍ତରର ଚିକିତ୍ସା ସୁବିଧା ନାହିଁ । ଚୀନରେ ଉତ୍ତମ ଚିକିତ୍ସା ସୁବିଧା ଥିବାରୁ ସେ ଏଭଳି ରୋଗର ସାମନା କରିପାରିବ । ସେଥିପାଇଁ ଆମେ ଚୀନର ଅଧିକାରୀଙ୍କ ସହ ଯୋଗାଯୋଗରେ ଅଛୁ ।”