ସିଡନୀ: ଭାରତ ବିପକ୍ଷ ସିଡନୀ ଟେଷ୍ଟରେ ନୂଆ ରେକର୍ଡର ଅଧିକାରୀ ହୋଇଛନ୍ତି ଷ୍ଟିଭ୍ ସ୍ମିଥ୍ । ତୃତୀୟ ଟେଷ୍ଟରେ ଶତକ ଓ ଅର୍ଦ୍ଧଶତକ ମାରି ସଚିନ ତେନ୍ଦୁଲକର, ବିରାଟ କୋହଲି, ଜ୍ୟାକ୍ କାଲିସଙ୍କ ଭଳି ମହାନ୍ କ୍ରିକେଟରଙ୍କ ରେକର୍ଡ ଭାଙ୍ଗିଛନ୍ତି । ସେ ୧୦ ଥର ଗୋଟିଏ ଟେଷ୍ଟରେ ଶତକ ଓ ଅର୍ଦ୍ଧଶତକ ହାସଲ କରିଛନ୍ତି । ସିଡନୀରେ ପ୍ରଥମ ଇନିଂସରେ ସ୍ମିଥ ୧୩୧ ରନ୍ ଓ ଦ୍ୱିତୀୟ ଇନିଂସରେ ୮୧ ରନ୍ ହାସଲ କରିଛନ୍ତି ।
ଗୋଟିଏ ଟେଷ୍ଟ ମ୍ୟାଚରେ ଶତକ ଓ ଅର୍ଦ୍ଧଶତକ କରିବା ମାମଲାରେ ଜ୍ୟାକ୍ କାଲିସ, ବିରାଟ କୋହଲି, ସଚିନ ତେନ୍ଦୁଲକର, ରିକି ପଣ୍ଟିଂ, ଏଲନ୍ ବର୍ଡର, ଆଲିଷ୍ଟର କୁକ୍ ଓ କୁମାରା ସାଙ୍ଗାକାରାଙ୍କ ଭଳି କ୍ରିକେଟରଙ୍କୁ ପଛରେ ଛାଡ଼ି ଦେଇଛନ୍ତି । ପୂର୍ବରୁ ଦକ୍ଷିଣ ଆଫ୍ରିକାର ମହାନ ଅଲରାଉଣ୍ଡର ଜ୍ୟାକ କାଲିସ ସର୍ବାଧିକ ୯ଥର ଏହି ସଫଳତା ହାସଲ କରିଥିଲେ ।
ଗୋଟିଏ ଟେଷ୍ଟରେ ସର୍ବାଧିକ ଶତକ ଓ ଅର୍ଦ୍ଧଶତକ ମାରିଥିବା କ୍ରିକେଟର
ଷ୍ଟିଭେନ୍ ସ୍ମିଥ (ଅଷ୍ଟ୍ରେଲିଆ)- ୧୦ ଥର
ଜ୍ୟାକ୍ କାଲିସ (ଦକ୍ଷିଣ ଆଫ୍ରିକା)- ୯ଥର
ଆଲିଷ୍ଟର କୁକ୍ (ଇଂଲଣ୍ଡ)- ୮ଥର
ବିରାଟ କୋହଲି, ସଚିନ ତେନ୍ଦୁଲକର (ଭାରତ)- ୭ଥର
ରିକି ପଣ୍ଟିଂ (ଅଷ୍ଟ୍ରେଲିଆ)- ୭ ଥର
କୁମାରା ସାଙ୍ଗାକାର (ଶ୍ରୀଲଙ୍କା)- ୭ ଥର
ଏଲନ ବର୍ଡର(ଅଷ୍ଟ୍ରେଲିଆ)- ୭ ଥର
Comments are closed.