ଭୁବନେଶ୍ୱର : ପ୍ରତିବର୍ଷ ଏପିଲ୍ ୨୨ ତାରିଖରେ ସାରା ଦେଶରେ ‘ପୃଥ୍ୱୀ ଦିବସ’ ବା ‘ଆର୍ଥ ଡେ୍’ ପାଳନ କରାଯାଇଥାଏ ।
ସାରା ଦେଶରେ ଲୋକମାନଙ୍କ ମଧ୍ୟରେ ବୃକ୍ଷ-ଲତା, ଜୀବ-ଜନ୍ତୁ ତଥା ପରିବେଶ ପର୍ଯ୍ୟାବରଣ ସମ୍ପର୍କରେ ସଚେତନତା ସୃଷ୍ଟି କରିବା ଏହି ଦିବସ ପାଳନର ମୂଳ ଲକ୍ଷ୍ୟ ଅଟେ ।
ଏହି ‘ଧରିତ୍ରୀ ଦିବସ’ ଅବସରରେ ଓଡିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଆଗାମୀ ଭବିଷ୍ୟତର ପିଢିମାନଙ୍କୁ ସୁସ୍ଥ ଓ ସବୁଜ ପରିବେଶ ନିର୍ମାଣ ଲାଗି ସଙ୍କଳ୍ପ ନେବା ପାଇଁ ଆହ୍ୱାନ କରିଛନ୍ତି ।
ଏନେଇ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଟ୍ୱିଟ୍ କରିଛନ୍ତି ।
Mother Earth provides everything that a human being needs and it is our only Earth, our home. On #EarthDay, let’s pledge to keep it healthier and greener for future generations by reducing environmental footprints and protecting all endangered species. pic.twitter.com/Hug3cySMX7
— Naveen Patnaik (@Naveen_Odisha) April 22, 2019
ପରବର୍ତ୍ତୀ ସମୟରେ ‘ଜାତିସଂଘ’ ଆନୁକୂଲ୍ୟରେ ସଦସ୍ୟ ରାଷ୍ଟ୍ରଗୁଡିକୁ ଏହାକୁ ‘ଆନ୍ତର୍ଜାତୀୟ ଧରିତ୍ରୀ ମାତା ଦିବସ’ (ଇଣ୍ଟରନେସନାଲ ମଦରର୍ସ ଅର୍ଥ ଡେ’) ଭାବେ ପାଳନ କରୁଛନ୍ତି ।
କାହିଁକି ପାଳନ କରାଯାଏ- ୧୯୬୯ ମସିହାରେ ଯୁକ୍ତରାଷ୍ଟ୍ର ଆମେରିକା ଅନ୍ତର୍ଗତ ସାନ୍ତା ବାର୍ବରାରେ ଏକ ଦୁର୍ଘଟଣା ଘଟି ପ୍ରାୟ ୩୦ ଲକ୍ଷ ଅଶୋଧିତ ତୈଳ ସମୁଦ୍ର ଜଳରେ ମିଶିଯାଇଥିଲା । ଏହାର ପ୍ରଭାବରେ ଲକ୍ଷଲକ୍ଷ ଜୀବ-ଜନ୍ତୁ , ପକ୍ଷୀ ତଥା ସାମୁଦ୍ରିକ ପ୍ରାଣୀଙ୍କ ଜୀବନ ହାନି ଘଟିଥିଲା । ପରବର୍ତ୍ତୀ ସମୟରେ ଏହାର କୁପରିଣାମ ମାନବ ସମାଜକୁ ମଧ୍ୟ ପ୍ରଭାବିତ କରିଥିଲା । ପରେ କିଛି ବ୍ୟକ୍ତିବିଶେଷଙ୍କ ପ୍ରଚେଷ୍ଟାରେ ଲୋକମାନଙ୍କ ମଧ୍ୟରେ ପରିବେଶ ସୁରକ୍ଷା ତଥା ତଦସଂକ୍ରାନ୍ତୀୟ ସଚେତନତା ସୃଷ୍ଟି ପାଇଁ ‘ଧରିତୀ ଦିବସ’ ପାଳନ ଆରମ୍ଭ ହୋଇଥିଲା ।
ସୂଚନାଯୋଗ୍ୟ, ୧୯୭୦ ମସିହା ଏପ୍ରିଲ୍ ୨୨ ତାରିଖରେ ‘ବିଶ୍ୱ ପୃଥ୍ୱିବୀ ଦିବସ’ ବା ‘ଧରିତ୍ରୀ ଦିବସ’ ପାଳନ କରାଯାଇଥାଏ । ସମ୍ପ୍ରତି ପ୍ରତି ବର୍ଷ ଏପିଲ୍ ୨୨ ତାରିଖରେ ପାଖାପାଖି ୧୯୩ଟି ଦେଶରେ ଏହି ଦିବସ ପାଳନ କରାଯାଉଅଛି ।