Latest Odisha News

ତୁମକୁ ଦେଖିଲା ପରେ

ତୁମକୁ ଦେଖିଲା ପରେ
ଶିବାନନ୍ଦ ବନଛୋର

ତୁମକୁ ଦେଖିଲା ପରେ
ଓଲଟ ପାଲଟ ହୋଇଯାଏ
ମୋ ଜୀବନର ଗଣିତ
ନା ମିଶାଣ, ନା ଫେଡାଣ
କିଛି ବି ସଠିକ ହୁଏନି
ଜୀବନର ଅଙ୍କକଷାରେ ।

ତୁମକୁ ଦେଖିଲା ପରେ
ଜୀବନର ଫିଜିକ୍ସରେ
ଜାଣିପାରେନି ଫରକ
ପ୍ରତିକଳ୍ପନ ଓ ପ୍ରତିସରଣ ମଧ୍ୟରେ ।

ତୁମକୁ ଦେଖିଲା ପରେ
ସମୟ ବି ରହିଯାଏ ଥରୁଟିଏ ପାଇଁ
ଠିକ୍ ବ୍ୟାଟେରୀ ବିହୀନ ଘଣ୍ଟା ପରି
ସେକେଣ୍ଡ କଣ୍ଟା ବି ଭୁଲିଯାଏ ଘୁରିବା ପାଇଁ ।

ତୁମକୁ ଦେଖିଲା ପରେ
ଷ୍ଟାଟ୍ ହୁଏନି ମୋ ବାଇକ୍
ତୁମ ଅଗଣାର ରାସ୍ତାରେ
କାଳେ ତେଲ ସରିଯିବା ଭୟରେ ।

ତୁମକୁ ଦେଖିଲା ପରେ
ଚାଲୁ ଚାଲୁ ଝୁଣ୍ଟିପଡେ
ସମତଳ ରାସ୍ତାରେ ବି
ତଥାପି ଜାଣିପାରେନା ତା କଷ୍ଟ ।

ତୁମକୁ ଦେଖିଲା ପରେ
ହାରିଯାଏ ମୋ ନିଜକୁ
ତୁମ ଓଢଣୀ ତଳେ
ଆଉ ତୁମେ ଜିତିଯାଅ ମୋଠାରୁ
ହେଲେ ତୁମଠାରୁ ହାରିବାରେ ବି ରହିଥାଏ
ମୋ ଆନନ୍ଦର ଅନୁଭବ
ନିଜଠାରୁ ନିଜେ ହାରିବାରେ ହିଁ ତ ମିଳେ
ପ୍ରକୃତ ଖୁସି ।
…………….
ଝାରବନ୍ଧ, ବରଗଡ

Leave A Reply

Your email address will not be published.