ମୁମ୍ବାଇ: ବଲିଉଡ୍ ମେଗାଷ୍ଟାର ଅମିତାଭ ବଚ୍ଚନ କ୍ରିକେଟର ବୈଭବ ସୂର୍ଯ୍ୟବଂଶୀଙ୍କୁ ଏକ୍ସ ମାଧ୍ୟମରେ ଖୁବ୍ ପ୍ରଶଂସା କରିଛନ୍ତି। ଆଇପିଏଲ୍ ୨୦୨୬ ଫାଇନାଲ୍ ପୂର୍ବରୁ ଉଭୟ କ୍ୱାଲିଫାୟର ମ୍ୟାଚ୍ରେ ବୈଭବ ତାଙ୍କ ବିସ୍ଫୋରକ ବ୍ୟାଟିଂ ପ୍ରଦର୍ଶନ କରି ସମସ୍ତଙ୍କ ହୃଦୟ ଜିତିଛନ୍ତି।
ଏକ ପୋଷ୍ଟରେ ବୈଭବଙ୍କ ପ୍ରଶଂସା କରି ଅମିତାଭ ବଚ୍ଚନ ଲେଖିଛନ୍ତି, “ସୂର୍ଯ୍ୟବଂଶୀ – ୧୫ ବର୍ଷ ବୟସରେ ଆଶ୍ଚର୍ଯ୍ୟଜନକ ସୂର୍ଯ୍ୟ। ଏହି ବୟସରେ ଆମେ ବାଣ୍ଟୋ ଏବଂ ଗୁଲି ଦଣ୍ଡା ମଧ୍ୟ ଠିକ୍ ଭାବରେ ଖେଳିପାରିନଥିଲୁ। କେତେକ ଅମିତାଭଙ୍କ ପ୍ରଶଂସାକୁ ଗ୍ରହଣ କରିଥିବା ବେଳେ ଅନ୍ୟମାନେ ତାଙ୍କୁ ଟ୍ରୋଲ୍ କରିବାକୁ ଚେଷ୍ଟା କରୁଥିବା ଦେଖାଯାଇଛି।
ବୈଭବ ସୂର୍ଯ୍ୟବଂଶୀଙ୍କ ବ୍ୟାଟିଂ ବିଷୟରେ କହିବାକୁ ଗଲେ, ରାଜସ୍ଥାନ ରୟାଲ୍ସର ଏହି ଷ୍ଟାର ଖେଳାଳି ଆଇପିଏଲ୍ ୨୦୨୬ କ୍ୱାଲିଫାୟର ମ୍ୟାଚ୍ରେ ଭଲ ପ୍ରଦର୍ଶନ କରିଥିଲେ। ପ୍ରଥମେ ସନରାଇଜର୍ସ ହାଇଦ୍ରାବାଦ ବିପକ୍ଷରେ ଖେଳି ବୈଭବ ୩୭ ବଲ୍ରେ ୧୦୩ ରନ୍ କରିଥିଲେ ଏବଂ ତା’ପରେ ଗୁଜୁରାଟ ଟାଇଟାନ୍ସ ବିପକ୍ଷରେ ଦ୍ୱିତୀୟ କ୍ୱାଲିଫାୟରରେ ସେ ୪୭ ବଲ୍ରେ ୯୬ ରନ୍ କରି ସମସ୍ତଙ୍କୁ ଆଶ୍ଚର୍ଯ୍ୟ କରି ଦେଇଥିଲେ। ମ୍ୟାଚ୍ ସମୟରେ କମେଣ୍ଟେଟର୍ ବୈଭବଙ୍କ ପ୍ରଶଂସାରେ ଶତମୁଖ ହୋଇପଡ଼ିଥିଲେ। ଯଦିଓ ବୈଭବଙ୍କ ଅବଦାନ ଦଳକୁ ଜିତାଇ ପାରିନଥିଲା। କାରଣ ଶୁଭମନ ଗିଲଙ୍କ ବିସ୍ଫୋରକ ଇନିଂସ ଯୋଗୁଁ ଗୁଜରାଟ ଟାଇଟାନ୍ସ ଦ୍ୱିତୀୟ କ୍ୱାଲିଫାୟର ଜିତିଥିଲା ଏବଂ ରାଜସ୍ଥାନ ରୟାଲ୍ସକୁ ଫାଇନାଲରୁ ବାଦ ଦେଇଥିଲା।