ନୂଆଦିଲ୍ଲୀ: ଟିକାକରଣ ପ୍ରକ୍ରିୟା ସମଗ୍ର ବିଶ୍ୱରେ ଜାରି ରହିଥିବା ବେଳେ ଅନେକ ଦେଶରେ କରୋନା ସଂକ୍ରମଣ ସଂଖ୍ୟା ମଧ୍ୟ ବୃଦ୍ଧି ପାଇଛି। ରିପୋର୍ଟ ଅନୁଯାୟୀ, ଗତ ୨୪ ଘଣ୍ଟା ମଧ୍ୟରେ ୪ ଲକ୍ଷ ୪୦ ହଜାର ୮୮୭ ଟି ନୂଆ କରୋନା ମାମଲା ରୁଜୁ ହୋଇଛି। ଯାହା ପରେ ମୋଟ ମାମଲା ୧୦ କୋଟି ୪୩ ଲକ୍ଷ ୭୩ ହଜାର ୭୧୫ କୁ ବୃଦ୍ଧି ପାଇଛି। ଏଥି ସହିତ, ୨୨ ଲକ୍ଷ ୬୨ ହଜାର ୦୦୪ ଲୋକ କରୋନା କାରଣରୁ ପ୍ରାଣ ହରାଇଛନ୍ତି। ଗତ ୨୪ ଘଣ୍ଟା ମଧ୍ୟରେ କରୋନାରୁ ୧୪ ହଜାର ୪୫୭ ଜଣଙ୍କର ମୃତ୍ୟୁ ହୋଇଛି।
ତଥ୍ୟ ଅନୁଯାୟୀ, ବର୍ତ୍ତମାନ ପର୍ଯ୍ୟନ୍ତ ମୋଟ ୭ କୋଟି ୬୨ ଲକ୍ଷ ୩୦ ହଜାର ୬୮୪ ଜଣ ଲୋକ କରୋନାରୁ ଆରୋଗ୍ୟ ଲାଭ କରିଛନ୍ତି। ଏଥି ସହିତ, ସକ୍ରିୟ ମାମଲା ସଂଖ୍ୟା ହେଉଛି ୨ କୋଟି ୫୮ ଲକ୍ଷ ୮୧ ହଜାର ୦୨୭।