ଭୁବନେଶ୍ୱର: ନିଜ ବୟାନ ପାଇଁ ସବୁବେଳେ ବିବାଦ ଘେରରେ ରହୁଥିବା ବିବାଦୀୟ କୁଇନ୍ କଙ୍ଗନା ରଣାୱତଙ୍କୁ ଜଣେ ଆଇନଜୀବୀ ଦୁଷ୍କର୍ମ ଧମକ ଦେଇଥିବା ନେଇ ଚର୍ଚ୍ଚା ହେଉଛି ।
ସୂଚନାନୁଯାୟୀ ନବରାତ୍ରୀ ଅବସରରେ ବଲିଉଡ୍ ଅଭିନେତ୍ରୀ କଙ୍ଗନା ରଣାୱତ ସୋସିଆଲ୍ ମିଡିଆରେ ନିଜର ଏକ ଫଟୋ ପୋଷ୍ଟ କରିଥିଲେ । ଯାହା ପରେ ୟୁଜର୍ସ ମାନେ ଉକ୍ତ ପୋଷ୍ଟକୁ ଲାଇକ୍ କରିବା ସହ କେହି କେହି କମେଣ୍ଟ ମଧ୍ୟ କରିଥିଲେ ।
ହେଲେ ସେହି କମେଣ୍ଟ ଗୁଡିକ ମଧ୍ୟରେ ଜଣେ ଆଡଭୋକେଟ୍ ମେହିନ୍ଦି ରେଜା ନାମକ ଜଣେ ଆଇନଜୀବୀ କଙ୍ଗନାଙ୍କୁ ଦୁଷ୍କର୍ମ କରିବା ଭଳି ଏକ କମେଣ୍ଟ ଲେଖିଥିଲେ ।
ଉକ୍ତ କମେଣ୍ଟକୁ ତର୍କବିତର୍କ ହେବା ପରେ କିଛି ସମୟ ପରେ ଆଇନଜୀବୀ ମେହେନ୍ଦି ଆଉ ଏକ ପୋଷ୍ଟ କରି ଲେଖିଛନ୍ତି ଯେ “ମୋ’ର ଫେସବୁକ୍ ଆଇଡି ହ୍ୟାକ୍ କରାଯାଇଥିଲା । ଆଉ କିଛି ଅପମାନଜନକ ପୋଷ୍ଟ ମଧ୍ୟ କରାଯାଇଛି । ମୁଁ ଏଥିପାଇଁ କ୍ଷମା ମାଗୁଛି ଏବଂ ଯଦି କାହାର ଭାବନାକୁ ଆଘାତ ଲାଗିଥାଏ ତେବେ ମୁଁ ସମସ୍ତଙ୍କୁ କ୍ଷମା ମାଗୁଛି ।”