ମୁମ୍ବାଇ: ବଲିଉଡ ଅଭିନେତା ଭିକି କୌଶଲ ଏବଂ କ୍ୟାଟ୍ରିନା କୌଫଙ୍କୁ ପ୍ରଥମ ଥର ପାଇଁ ପରଦାରେ ଏକାଠି ଦେଖିବାକୁ ମିଳିବ। ନିକଟରେ ବିବାହ କରିଥିବା ଏହି ଦମ୍ପତି ଏପର୍ଯ୍ୟନ୍ତ ଗୋଟିଏ ବି ଫିଲ୍ମ ଏକାଠି କରିନାହାଁନ୍ତି। କିନ୍ତୁ ବର୍ତ୍ତମାନ ପ୍ରଶଂସକମାନେ ପ୍ରଥମ ଥର ପାଇଁ ପରଦାରେ ସେମାନଙ୍କ ଯୋଡି ଦେଖିବେ। ନିର୍ଦ୍ଦେଶକ ଫରହାନ୍ ଅଖତରଙ୍କ ଏହି ଚଳଚ୍ଚିତ୍ରରେ କ୍ୟାଟ୍ରିନା କୈଫ୍ଙ୍କ ଭୂମିକା ଚୂଡାନ୍ତ ଥିଲା। କିନ୍ତୁ ଏବେ ଚର୍ଚ୍ଚା ହେଉଛି ଯେ ଭିକି କୌଶଲ ମଧ୍ୟ ଏଥିରେ ଅଭିନୟ କରିପାରନ୍ତି।
ବଲିଉଡ ହଙ୍ଗାମାରେ ପ୍ରକାଶିତ ଏକ ରିପୋର୍ଟ ଅନୁଯାୟୀ, ‘ଜୀ ଲେ ଜରା’ ଚଳଚ୍ଚିତ୍ର ପାଇଁ ଭିକିଙ୍କୁ ଅଫର୍ ଆସିଛି।ଯଦି ଭିକି ଏହି ଅଫର୍କୁ ଗ୍ରହଣ କରନ୍ତି ତେବେ ଏହା ଉଭୟ ଦମ୍ପତିଙ୍କ ପ୍ରଥମ ଚଳଚ୍ଚିତ୍ର ହେବ ଯେଉଁଥିରେ ସେମାନେ ଏକାଠି ଅଭିନୟ କରିବେ।
ଭିକି ଏବଂ କ୍ୟାଟ୍ରିନାଙ୍କୁ ଏକାଠି ଦେଖିବା ପାଇଁ ପ୍ରଶଂସକ ଉତ୍ସାହର ସହିତ ଅପେକ୍ଷା କରିଥିବା ଜଣାପଡ଼ିଛି।
Comments are closed.