ମୋହାଲୀ:ଭାରତୀୟ କ୍ରିକେଟ ଦଳର ପୂର୍ବତନ ଅଧିନାୟକ ବିରାଟ କୋହଲି ଶୁକ୍ରବାର ତାଙ୍କ ଟେଷ୍ଟ କ୍ୟାରିୟରର ୧୦୦ତମ ମ୍ୟାଚ ଖେଳିବେ । ଶ୍ରୀଲଙ୍କା ବିପକ୍ଷ ଏହି ଟେଷ୍ଟ କୋହଲିଙ୍କ ପାଇଁ ଗୁରୁତ୍ୱପୂର୍ଣ୍ଣ ହୋଇ ଉଠିଛି । କୋହଲି ଅଢ଼େଇ ବର୍ଷ ହେବ ୭୦ ଇନିଂସରେ ଶତକ ହାସଲ କରିପାରି ନାହାନ୍ତି । ମୋହାଲୀ ତାଙ୍କ ପାଇଁ ଭାଗ୍ୟଶାଳୀ ସାବ୍ୟସ୍ତ ହେବ ବୋଲି ପ୍ରଶଂସକମାନେ ଆଶା ବ୍ୟକ୍ତ କରିଛନ୍ତି । ସେ ୭୧ତମ ଖେଳାଳି ଭାବେ ୧୦୦ ଟେଷ୍ଟ ଖେଳିବାକୁ ଯାଉଛନ୍ତି । ଆଜି ପର୍ଯ୍ୟନ୍ତ କୌଣସି ଭାରତୀୟ ତାଙ୍କ ୧୦୦ତମ ମ୍ୟାଚରେ ଶତକ ହାସଲ କରି ନାହାନ୍ତି ।
ଭାରତର ସଚିନ ତେନ୍ଦୁଲକର, ରାହୁଲ ଦ୍ରାବିଡ, ଭିଭିଏସ ଲକ୍ଷ୍ମଣ, ଅନୀଲ କୁମ୍ବଲେ, ସୁନୀଲ ଗାଭାସ୍କର, ସୌରଭ ଗାଙ୍ଗୁଲି, କପିଳ ଦେବ, ଦିଲୀପ ଭେଙ୍ଗସରକାର, ଈଶାନ୍ତ ଶର୍ମା, ହରଭଜନ ସିଂ ଓ ବୀରେନ୍ଦ୍ର ସେହ୍ୱାଗ ୧୦୦ରୁ ଊର୍ଦ୍ଧ୍ୱ ଟେଷ୍ଟ ଖେଳିଛନ୍ତି । ସେହିପରି ଆନ୍ତର୍ଜାତୀୟ ଖେଳାଳିଙ୍କ ମଧ୍ୟରେ ୧୦୦ତମ ମ୍ୟାଚରେ କଲିନ କାଉଡ୍ରେ, ଜାଭେଦ ମିଆଁଦାଦ, ଗର୍ଡନ ଗ୍ରୀନିଜ, ଆଲେକ ଷ୍ଟିୱାର୍ଟ, ଇଂଜାମାମ ଉଲ ହକ, ରିକି ପଂଟି, ଗ୍ରେମ ସ୍ମିଥ, ହାସିମ ଆମଲା ଓ ଜୋ ରୁଟ ଶତକ ହାସଲ କରି ଏହାକୁ ସ୍ମରଣୀୟ କରିଛନ୍ତି । ମୋହାଲୀରେ ୫୦ରୁ ଊର୍ଦ୍ଧ୍ୱ ଆଭରେଜରେ କୋହଲି ରନ ସଂଗ୍ରହ କରିଛନ୍ତି । ସୂଚନାଯୋଗ୍ୟ, କୋହଲି ଟେଷ୍ଟରେ ୪୩ ଏବଂ ଦିନିକିଆରେ ୨୭ ଶତକ ହାସଲ କରି ସଚିନଙ୍କ ପଛକୁ ରହିଛନ୍ତିି ।
Comments are closed.