ମୋହାଲି: ଶ୍ରୀଲଙ୍କା ବିପକ୍ଷ ପ୍ରଥମ ଟେଷ୍ଟରେ ବ୍ୟାଟିଂ ପରେ ବୋଲିଂରେ କମାଲ କଲେ ରବୀନ୍ଦ୍ର ଜାଡେଜା । ପ୍ରଥମ ଇନିଂସରେ ଶତକୀୟ ଇନିଂସ ଖେଳିଥିଲେ । ଘାତକ ବୋଲିଂ ବି କରିଛନ୍ତି । ଜାଡେଜାଙ୍କ ଯାଦୁଗରୀ ସ୍ପିନରେ ଘାଇଲା ହୋଇଛି ସିଂହଳୀ ଦଳ । ପ୍ରଥମ ଇନିଂସରେ ୧୭୪ ରନରେ ଅଲଆଉଟ୍ ହୋଇଛି । ରବୀନ୍ଦ୍ର ଜାଡେଜା ଏକାକୀ ନେଇଛନ୍ତି ୫ଟି ୱିକେଟ୍ ।
ଭାରତର ପ୍ରଥମ ଇନିଂସ ସ୍କୋରଠାରୁ ୪୦୦ ରନ୍ ପଛରେ ରହିଛି ଶ୍ରୀଲଙ୍କା । ଭ୍ରମଣକାରୀ ଦଳର ୪ଜଣ ଖେଳାଳି ଖାତା ଖୋଲି ପାରି ନାହାନ୍ତି । ଜାଡେଜା ୫ଟି ୱିକେଟ ନେଇଥିବା ବେଳେ ଅଶ୍ୱିନ୍ ଓ ବୁମରାହ ୨ଟି ଲେଖାଏ ୱିକେଟ୍ ନେଇଛନ୍ତି । ମହମ୍ମଦ ସାମି ନେଇଛନ୍ତି ଗୋଟିଏ ୱିକେଟ୍ ।
ଏବେ ଦ୍ୱିତୀୟ ଇନିଂସ ବ୍ୟାଟିଂ ଆରମ୍ଭ କରିଛି ଶ୍ରୀଲଙ୍କା । ୯ ରନରେ ପ୍ରଥମ ଝଟକା ଦେଇଛନ୍ତି ଅଶ୍ୱିନ୍ । ଭାରତ ପ୍ରଥମ ଇନିଂସରେ ୫୭୪ ରନ୍ କରିଥିଲା । ରବୀନ୍ଦ୍ର ଜାଡେଜା ଶତକ(୧୭୫ ରନ୍) ମାରିଥିଲେ । ଟେଷ୍ଟ କ୍ୟାରିୟରରେ ଦ୍ୱିତୀୟ ସେଞ୍ଚୁରୀ ମାରିଥିଲେ ରବୀନ୍ଦ୍ର ଜାଡେଜା ।
Comments are closed.