ମଜାକିଆ ଢ଼ଙ୍ଗରେ ଛୋଟ ଆଖିର ଫାଇଦା ବର୍ଣ୍ଣନା କରି ଚର୍ଚ୍ଚାରେ ନାଗାଲାଣ୍ଡ ମନ୍ତ୍ରୀ ତେମଜେନ

କୋହିମା: ନାଗାଲାଣ୍ଡର ଶିକ୍ଷା ଓ ଆଦିବାସୀ ବିଭାଗର ମନ୍ତ୍ରୀ ତେମଜେନ ଇମନା ଅଲାଙ୍ଗ ଏକ କାର୍ଯ୍ୟକ୍ରମରେ ଛୋଟ ଆଖିର ଫାଇଦା ସମ୍ପର୍କରେ ମଜାକିଆ ଢ଼ଙ୍ଗରେ ବର୍ଣ୍ଣନା କରି ଏବେ ଚର୍ଚ୍ଚାରେ । ତାଙ୍କର ଏହି ଭିଡିଓ ଏବେ ସୋସିଆଲ ସାଇଟରେ ଭାଇରାଲ ହେବାରେ ଲାଗିଛି । ନାଗାଲାଣ୍ଡର ବିଜେପି ଅଧ୍ୟକ୍ଷ ତେମଜେନ କହିଥିଲେ ଲୋକେ କହନ୍ତି ପୂର୍ବାଂଚଳ ଲୋକଙ୍କ ଆଖି ବହୁତ ଛୋଟ । ଏଥିନେଇ ଆମକୁ ସମାଲୋଚନା ମଧ୍ୟ କରାଯାଇଥାଏ । ମାତ୍ର ଛୋଟ ଆଖିର ବହୁତ ଫାଇଦା ଅଛି । ଏହା ପରିସ୍କାର ସବୁ ଜିନିଷ ଦେଖିପାରିଥାଏ । ମାତ୍ର ଆମମାନଙ୍କ ଆଖିରେ କମ ମଇଳା ପଶିଥାଏ ।

My brother @AlongImna is in full form https://t.co/5IvgpYEuts

— Himanta Biswa Sarma (@himantabiswa) July 8, 2022

ସେହିପରି ରାଜନୈତିକ କାର୍ଯ୍ୟକ୍ରମ ଲମ୍ବା ହେଲ ଆମେ ଶୋଇପଡିଲେ କେହି ଜାଣି ପାରନ୍ତି ନାହିଁ । ତାଙ୍କର ଏହି ମଜାକିଆ ଶୈଳୀ ଦର୍ଶକଙ୍କୁ ବେଶ ପସନ୍ଦ ଆସିଥିଲା । ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱ ଶର୍ମା ମଧ୍ୟ ଏହି ଭିଡିଓକୁ ଟୁଇଟ କରିବା ସହ ମୋ ଭାଇ ଅଲାଙ୍ଗ ଫୁଲ ଫର୍ମରେ ଅଛନ୍ତି ବୋଲି ଲେଖିଛନ୍ତି । ଅଲାଙ୍ଗ ମଧ୍ୟ ଏ ନେଇ ହିମନ୍ତଙ୍କୁ ଧନ୍ୟବାଦ ଜଣାଇଛନ୍ତି ।