ମୁମ୍ବାଇ: ଆନ୍ନା ରଜନୀକାନ୍ତ ତାଙ୍କ ଫିଲ୍ମ କ୍ୟାରିୟରରେ ୧୦୦ରୁ ଅଧିକ ଅଭିନେତ୍ରୀଙ୍କ ସହିତ ଅଭିନୟ କରିଛନ୍ତି । କେବଳ ଦକ୍ଷିଣୀ ସିନେମାରେ ନୁହେଁ, ସଂଖ୍ୟାଧିକ ହିନ୍ଦୀ ଚଳଚ୍ଚିତ୍ରରେ ମଧ୍ୟ ତାଙ୍କ ଅଭିନୟର ଛାପ ରହିଛି । ଅନ୍ସ୍କ୍ରିନ୍ ରଜନୀକାନ୍ତ ତାଙ୍କ ବୟସଠାରୁ ଯଥେଷ୍ଟ ଛୋଟ ଅନେକ ଅଭିନେତ୍ରୀଙ୍କ ସହ ରୋମାନ୍ସ କରିଛନ୍ତି, ଯାହା କ୍ୱଚିତ୍ ଅଭିନେତାଙ୍କ କ୍ୟାରିୟରରେ ଦେଖିବାକୁ ମିଳେ । ଗୋଟେ ସମୟ ଥିଲା ଯେତେବେଳେ ରଜନୀକାନ୍ତ-ଶ୍ରୀଦେବୀଙ୍କ ଯୋଡିକୁ ଫିଲ୍ମ ଇଣ୍ଡଷ୍ଟ୍ରିରେ ଦର୍ଶକ ଖୁବ୍ ପସନ୍ଦ କରୁଥିଲେ । ଏହି କାରଣରୁ ଉଭୟ ଅନେକ ଚଳଚ୍ଚିତ୍ରରେ ଏକାଠି କାମ କରିଥିବା ନଜରକୁ ଆସେ । କିନ୍ତୁ କ୍ୱଚିତ୍ ଲୋକ ଜାଣିଥିବେ ସେମାନଙ୍କ ଭିତିରି ସମ୍ପର୍କର କଥା ।
ଉଭୟ ରଜନୀକାନ୍ତ-ଶ୍ରୀଦେବୀ ଯୋଡ଼ି ଇଣ୍ଡଷ୍ଟ୍ରିରେ ଖୁବ ଚର୍ଚ୍ଚିତ ଯୋଡ଼ି ଥିଲା । ଯେତେବେଳେ ଦୁହେଁ ପରଦାରେ ଏକାଠି ଅଭିନୟ କରୁଥିଲେ, ଦର୍ଶକ ମନ୍ତ୍ରମୁଗ୍ଧ ହୋଇଯାଉଥିଲେ । ଉଭୟ ଦକ୍ଷିଣୀ ସିନେମାରୁ ବଲିଉଡ ପର୍ଯ୍ୟନ୍ତ ପ୍ରାୟ ୨୫ଟି ଫିଲ୍ମରେ ଅଭିନୟ କରିଛନ୍ତି । ଉଭୟ ଯୋଡ଼ିଙ୍କର ଅଧିକାଂଶ ଚଳଚ୍ଚିତ୍ର କନ୍ନଡ, ମାଲାୟାଲମ୍, ତେଲୁଗୁ ଏବଂ ତାମିଲ ଭାଷାରେ ରହିଥିଲା ।
ନିକଟରେ ରଜନୀକାନ୍ତ ଏକ ସାକ୍ଷାତକାରରେ କହିଛନ୍ତି ଯେ, ୨୦୧୧ ମସିହାରେ ସେ ଫିଲ୍ମ ‘ରାଣା\’ ପାଇଁ ସୁଟିଂ କରୁଥିଲେ । ସେହି ସମୟରେ ତାଙ୍କ ସ୍ୱାସ୍ଥ୍ୟ ଅବସ୍ଥା ବିଗିଡି ଯାଇଥିଲା । ତାଙ୍କୁ ସଙ୍ଗେ ସଙ୍ଗେ ଚିକିତ୍ସା ପାଇଁ ସିଙ୍ଗାପୁରକୁ ନେବାକୁ ପଡିଥିଲା । ଯେତେବେଳେ ଏହି କଥା ଶ୍ରୀଦେବୀ ଜାଣିଲେ ସେ ଖୁବ୍ ଚିନ୍ତିତ ହୋଇପଡ଼ିଥିଲେ । ତୁରନ୍ତ ଶିରିଡ଼ି ଯାଇ ବାବାଙ୍କୁ ଦର୍ଶନ କରି ତାଙ୍କର ସୁସ୍ଥ କାମନା କରିଥିଲେ । ଏମିତି କି ୭ ଦିନ ପର୍ଯ୍ୟନ୍ତ ଉପବାସ ରହି ସେ ପୂଜାର୍ଚ୍ଚନା ମଧ୍ୟ କରିଥିଲେ । ସମ୍ପୂର୍ଣ୍ଣ ସୁସ୍ଥ ହେବା ପରେ ସିଙ୍ଗାପୁରରୁ ଭାରତ ଫେରିବା ପରେ ଶ୍ରୀଦେବୀ ସିଧା ତାଙ୍କ ଘରେ ପହଞ୍ôଚଥିଲେ । ଆଜି ଶ୍ରୀଦେବୀ ଏହି ଦୁନିଆରେ ନାହାନ୍ତି ସତ ହେଲେ ତାଙ୍କର ପ୍ରଶଂସକମାନେ ଏହି ଯୋଡ଼ିକୁ ଏବେ ବି ମନେ ରଖିବା ସହ ବାରମ୍ବାର ତାଙ୍କ ଚଳଚ୍ଚିତ୍ର ଦେଖିବାକୁ ପସନ୍ଦ କରନ୍ତି ବୋଲି କହିଛନ୍ତି ରଜନୀକାନ୍ତ ।
BREAKING NEWS
- ନିର୍ବାଚନ ଡ୍ୟୁଟିରେ ଥିବା ବିଏଲଓଙ୍କ ଆକସ୍ମିକ ମୃତ୍ୟୁ
- ରାଜ୍ୟରେ ସୁରୁଖୁରୁରେ ଚାଲିଛି ଚତୁର୍ଥ ତଥା ଅନ୍ତିମ ପର୍ଯ୍ୟାୟ ମତଦାନ: ମୁଖ୍ୟ ନିର୍ବାଚନ ଅଧିକାରୀ
- ଓଡ଼ିଶା ଦେଉଛି ଭୋଟ୍: ସକାଳ ୧୧ ଟା ସୁଦ୍ଧା ୨୨.୯୭ ପ୍ରତିଶତ ଭୋଟିଂ
- ଭୋଟ୍ ଦେଲେ ପ୍ରତାପ ଷଡଙ୍ଗୀ,କହିଲେ ଗଣତନ୍ତ୍ରରେ ରାଜାର ପୁଅ ରାଜା ହୋଇ ନଥାଏ
- ଭୋଟ୍ ଦେବା ସମୟରେ ଅଘଟଣ, ଚାଲିଗଲା ବୃଦ୍ଧଙ୍କ ଜୀବନ
- ରାଜ୍ୟରେ ସକାଳ ୯ଟା ସୁଦ୍ଧା ଇଭିମରେ ସିଲ୍ ହେଲା ୭.୬୯ ପ୍ରତିଶତ ମତଦାନ
- ମାଲବାହୀ ଟ୍ରେନ୍ ଲାଇନଚ୍ୟୁତ,ଯୁଦ୍ଧକାଳୀନ ଭିତ୍ତିରେ ଶେଷ ହେଲା ଟ୍ରାକ୍ କାମ
- ଗୁଣ୍ଡିଚା ମନ୍ଦିର ନାକଚଣା ଦ୍ୱାର ନିକଟରେ ଅଗ୍ନିକାଣ୍ଡ
- ଶେଷ ପର୍ଯ୍ୟାୟ ନିର୍ବାଚନ ସମୟରେ କମିଲା କମର୍ସିଆଲ ଏଲପିଜି ଦର
- ବିଭିନ୍ନ ସ୍ଥାନରେ ଇଭିଏମ୍ ଅଚଳ ,ମତଦାନ ବାଧାପ୍ରାପ୍ତ