ଇନ୍ଦୋର: ଅଷ୍ଟ୍ରେଲିଆ-ଭାରତ ତୃତୀୟ କ୍ରିକେଟ ଟେଷ୍ଟ ଧର୍ମଶାଳା ବଦଳରେ ଇନ୍ଦୋରରେ ଖେଳାଯିବ । ବିସିସିଆଇର କମିଟି ଧର୍ମଶାଳା ଆଉଟଫିଲ୍ଡ ନିରୀକ୍ଷଣ କରିବା ପରେ ଏହି ନିଷ୍ପତି ନେଇଛନ୍ତି । ଏହାର ଆଉଟଫିଲ୍ଡ ଖେଳିବା ଯୋଗ୍ୟ ନୁହେଁ ବୋଲି କମିଟି ରିପୋର୍ଟ ଦେଇଥିଲେ । କ୍ୟୁରେଟର ତପୋଶ ଚାଟାର୍ଜୀ ରବିବାର ପିଚ ଖରାପ ନେଇ ରିପୋର୍ଟ ଦେବା ପରେ ଧର୍ମଶାଳାରୁ ମ୍ୟାଚ ସ୍ଥାନାନ୍ତରିତ ହେବା ଚୂଡାନ୍ତ ହୋଇ ଯାଇଥିଲା । ସୂଚନାଯୋଗ୍ୟ, ଡ୍ରେନେଜ ସିଷ୍ଟମ ପାଇଁ ଧର୍ମଶାଳା ଷ୍ଟାଡିୟମର ଅନେକ ସ୍ଥାନ ଖୋଳା ଯାଇଥିଲା । ତେବେ ନିର୍ଦ୍ଧାରିତ ସମୟ ସୁଦ୍ଧା ଏହାର କାର୍ଯ୍ୟ ସମ୍ପୂର୍ଣ୍ଣ ହୋଇପାରି ନ ଥିଲା ।
ତରବରିଆ ଭାବେ ଏଠାରେ ମ୍ୟାଚ କରାଯାଇଥିଲେ ଖେଳାଳିମାନେ ଆଘାତ ହେବା ଆଶଙ୍କା ରହିଥିଲା । ସବୁ କିଛି ଅନୁଧ୍ୟାନ କରିବା ପରେ ବୋର୍ଡ ଇନ୍ଦୋରରେ ମ୍ୟାଚ କରିବା ପାଇଁ ନିଷ୍ପତି ନେଇଥିଲା । ୪ ମ୍ୟାଚ ବିଶିଷ୍ଟ ଟେଷ୍ଟ ସିରିଜରେ ଭାରତ ପ୍ରଥମ ଟେଷ୍ଟରେ ବିଜୟୀ ହୋଇ ୧-୦ର ଅଗ୍ରଣୀ ହାସଲ କରିନେଇଛି ।
Comments are closed.