ହିମାଚଳ ପ୍ରଦେଶର ଜଣେ ମୁସଲମାନ ଦମ୍ପତିଙ୍କ ବିବାହ ଏବେ ବେଶ୍ ଚର୍ଚ୍ଚାରେ । ଶିମଲା ଜିଲ୍ଲାର ରାମପୁରରେ ଜଣେ ମୁସଲମାନ ଦମ୍ପତି ସାମ୍ପ୍ରଦାୟିକ ସୌହାର୍ଦ୍ଦ୍ୟର ଉଦାହରଣ ସୃଷ୍ଟି କରିଛନ୍ତି। ଏହି ମୁସଲମାନ ଦମ୍ପତି ରାମପୁରର ସତ୍ୟ ନାରାୟଣ ମନ୍ଦିର ପରିସରରେ ବିବାହ କରିଥିଲେ। ବିଶ୍ୱ ହିନ୍ଦୁ ପରିଷଦର ଠାକୁର ସତ୍ୟ ନାରାୟଣ ମଣ୍ଡଳ କମ୍ପ୍ଲେକ୍ସରେ ଏକ ଭୋଜି ହଲ ରହିଛି, ଯାହା ବିବାହ ଏବଂ ଅନ୍ୟାନ୍ୟ ଧାର୍ମିକ ସାମାଜିକ କାର୍ଯ୍ୟ ପାଇଁ ବୁକ କରାଯାଇଥାଏ। ଏହି ହଲରେ ସମ୍ପୃକ୍ତ ମୁସଲମାନ ଦମ୍ପତି ବିବାହ କରିଥିଲେ।
ମୌଲବୀ ମନ୍ଦିର ପରିସରରେ ନିକାହ ପଢିଥିଲେ। ଏହି ସମୟରେ ଓକିଲ ମଧ୍ୟ ସାକ୍ଷୀ ଭାବରେ ଉପସ୍ଥିତ ଥିଲେ। ହିନ୍ଦୁ ମନ୍ଦିର ପରିସରରେ ଘଟିଥିବା ଏହି ବିବାହର ମୂଳ ଉଦ୍ଦେଶ୍ୟ ହେଉଛି ଲୋକଙ୍କ ମଧ୍ୟରେ ପାରସ୍ପରିକ ଭାଇଚାରା ଏବଂ ଧାର୍ମିକ ସମନ୍ୱୟ ରକ୍ଷା କରିବା। ସୂଚନାଯୋଗ୍ୟ ଯେ, ସତ୍ୟ ନାରାୟଣ ମଣ୍ଡଳ ହେଉଛି ରାଷ୍ଟ୍ରୀୟ ସ୍ୱୟଂ ସେବକ ସଂଗଠନ ଏବଂ ବିଶ୍ୱ ହିନ୍ଦୁ ପରିଷଦର ଜିଲ୍ଲା କାର୍ଯ୍ୟାଳୟ।
କନ୍ୟାର ପିତା କହିଛନ୍ତି ଯେ ରାମପୁରର ସତ୍ୟନାରାୟଣ ମନ୍ଦିର କମ୍ପ୍ଲେକ୍ସରେ ଝିଅର ବିବାହ ହୋଇଥିଲା। ମନ୍ଦିର ଟ୍ରଷ୍ଟ ବ୍ୟତୀତ ଏହି ବିବାହରେ ବିଶ୍ୱ ହିନ୍ଦୁ ପରିଷଦ ପକ୍ଷରୁ ଅନେକ ସମର୍ଥନ ମିଳିଥିଲା । ଏହି ବିବାହ ମାଧ୍ୟମରେ ରାମପୁରର ଲୋକମାନେ ସମାଜରେ ଭାଇଚାରା ବାର୍ତ୍ତା ଦେଇଛନ୍ତି ।
Comments are closed.