ମୁମ୍ବାଇ: ଅସଦାଚରଣର ଶିକାର ହେଲେ ବଲିଉଡ୍ ଅଭିନେତ୍ରୀ। ଏନେଇ ମୁମ୍ବାଇ ଥାନାରେ ଅଭିଯୋଗ ହେବା ପରେ ମାମଲା ଦାୟର ହୋଇଛି। ଅଭିନେତ୍ରୀ(ପରିଚୟ ଲୁଚାଯାଇଛି) ଜଣଙ୍କ ଜଣେ ଫାଇନାନ୍ସରଙ୍କ ବିରୋଧରେ ମୁମ୍ବାଇର ଜୁହୁ ଥାନାରେ ଅଭିଯୋଗ କରିଛନ୍ତି।
ଅଭିଯୋଗ ଅନୁସାରେ, ଉକ୍ତ ଫାଇନାନ୍ସର ଶୁକ୍ରବାର ଅଭିନେତ୍ରୀଙ୍କୁ ଏକ ଭିଡିଓରେ ପଇସା ଦେବା ବାହାନାରେ ଅଫିସ୍କୁ ଡାକି ତାଙ୍କ ସହ ଅସଦାଚରଣ କରିବାକୁ ଚେଷ୍ଟା କରିଥିଲେ। ଅଭିନେତ୍ରୀ ଏହାର ବିରୋଧ କରିବାରୁ ଅଭିଯୁକ୍ତ ଫାଇନାନ୍ସର ତାଙ୍କୁ ଗାଳିଗୁଲଜ କରିବା ସହ ହତ୍ୟା ଧମକ ଦେଇଥିବା ଅଭିନେତ୍ରୀ ଥାନାରେ ଅଭିଯୋଗ କରିଛନ୍ତି।
ଏହି ଘଟଣାରେ ଶୁକ୍ରବାର ମୁମ୍ବାଇ ପୁଲିସ ଭାରତୀୟ ଫିଙ୍ଗଳ କୋର୍ଟର ଧାରା ୩୫୪,୫୦୬,୫୦୯ରେ ମାମଲା ରୁଜୁ କରି ତଦନ୍ତ ଆରମ୍ଭ କରିଦେଇଛି। ବର୍ତ୍ତମାନ ସୁଦ୍ଧା ଅଭିଯୁକ୍ତଙ୍କ ନାଁ ସାମ୍ନାକୁ ଆସି ନଥିବା ବେଳେ ତାଙ୍କୁ ଗିରଫ କରାଯାଇଛି ନା ସେ ବିଷୟରେ ଖବର ମିଳିପାରି ନାହିଁ।