ମୁମ୍ବାଇ: ସାଉଥ ସୁପରଷ୍ଟାର ରଜନୀକାନ୍ତଙ୍କ ଫିଲ୍ମ ‘ଜେଲର’ ଗତ ୧୦ ତାରିଖରେ ରିଲିଜ୍ ହୋଇଥିଲା । ଫିଲ୍ମଟିକୁ ନେଇ ଚାରିଆଡେ ଚର୍ଚ୍ଚା ହେଉଥିବା ବେଳେ ବକ୍ସ ଅଫିସରେ ବି ହଇଚଇ ସୃଷ୍ଟି କରୁଛି । ତେବେ ଫିଲ୍ମର ସଫଳତାକୁ ନେଇ ରଜନୀକାନ୍ତ ବେଶ୍ ଖୁସି ଅଛନ୍ତି । ଏହି ଫିଲ୍ମ ସାରା ବିଶ୍ୱରେ ୫୦୦କୋଟିରୁ ଅଧିକ ରୋଜଗାର କରିସାରିଲାଣିି । ଏଥି ସହିତ ଏହା ବକ୍ସ ଅଫିସରେ ଆଉ ଏକ ମାଇଲଖୁଣ୍ଟ ଅତିକ୍ରମ କରିଛି ।
୭୨ ବର୍ଷୀୟ ରଜନୀକାନ୍ତଙ୍କ ଏବେ ବି ସାଉଥ୍ଠାରୁ ବଲିଉଡ଼ ପର୍ଯ୍ୟନ୍ତ ପ୍ରଶଂସକଙ୍କର ଅଭାବ ନାହିଁ । ଏହି ଫିଲ୍ମ ପାଇଁ ତାଙ୍କର ଚାହିଦା ଲୋକମାନଙ୍କ ମଧ୍ୟରେ ଦେଖାଯାଉଛି । ଦୁଇବର୍ଷ ପରେ ଫିଲ୍ମ ‘ଜେଲର’ ଦ୍ୱାରା ସେ ବଡ଼ ପରଦାକୁ ଫେରିଛନ୍ତି । ଫିଲ୍ମ ରିଲିଜ୍ର ପ୍ରଥମ ଦିନରେ ୪୮.୩୫ କୋଟି ଟଙ୍କା ରୋଜଗାର କରି ସଭିଙ୍କୁ ଚକିତ କରିଦେଇଛି ।
ନେଲସନଙ୍କ ଦ୍ୱାରା ଲିଖିତ ତଥା ନିର୍ଦ୍ଦେଶିତ ଫିଲ୍ମ ‘ଜେଲର’ ରିଲିଜ ପୂର୍ବରୁ ମଧ୍ୟ କୋଟି କୋଟି ଟଙ୍କା ସଂଗ୍ରହ କରିଛି । ରିଲିଜ ହେବା ପୂର୍ବରୁ ଆଡଭାନ୍ସ ବୁକିଂ ସହିତ ପ୍ରାୟ ୨୫କୋଟି ଟଙ୍କା ସଂଗ୍ରହ କରିଥିଲା । ଏହା ହିନ୍ଦୀ, ତାମିଲ, ମାଲାୟାଲମ, ତେଲୁଗୁ ଏବଂ କନ୍ନଡରେ ରିଲିଜ ହୋଇଥିଲା । ଫିଲ୍ମ ରିଲିଜ ହେବାର ୧୬ଦିନରେ ମୋଟ ଆୟ ୩୦୧.୩୦ କୋଟି ହୋଇଛି ।
Comments are closed.