ନୂଆଦିଲ୍ଲୀ: ରାହୁଲ ଗାନ୍ଧି ରାୟବରେଲି ଆସନକୁ ପାଖରେ ରଖିବେ ଏବଂ ଓ୍ବାୟନାଡ ଲୋକସଭାରୁ ଇସ୍ତଫା ଦେଇପାରନ୍ତି। ପ୍ରିୟଙ୍କା ଗାନ୍ଧି ଭଦ୍ରା ୱାୟନାଡ ଲୋକସଭା ନିର୍ବାଚନ ମଣ୍ଡଳୀରୁ ଉପନିର୍ବାଚନ ଲଢିପାରନ୍ତି।ଏନଡିଟିଭି ରିପୋର୍ଟରେ କୁହାଯାଇଛି।
ନିକଟରେ ଶେଷ ହୋଇଥିବା ଲୋକସଭା ନିର୍ବାଚନରେ ରାହୁଲ ଉଭୟ ଆସନରୁ ନିର୍ବାଚନ ଲଢ଼ିଥିଲେ। ଯେଉଁଥିରେ ୱାୟନାଡ (କେରଳ) ନିର୍ବାଚନ ମଣ୍ଡଳୀ ବଜାୟ ରଖିବା ଏବଂ ଦଳର ଗଡ଼ କୁହାଯାଉଥିବା ରାୟବରେଲି (ଉତ୍ତରପ୍ରଦେଶ)ରେ କଂଗ୍ରେସର ଐତିହ୍ୟକୁ ସୁଦୃଢ଼ କରିବା ଲକ୍ଷ୍ୟ ରଖାଯାଇଥିଲା। ସେ ପ୍ରତ୍ୟେକ ନିର୍ବାଚନ ମଣ୍ଡଳୀରେ ୩,୫୦,୦୦୦ରୁ ଅଧିକ ଭୋଟ୍ ବ୍ୟବଧାନରେ ଉଭୟ ଆସନରେ ବିଜୟୀ ହୋଇ ଶାସକ ଭାରତୀୟ ଜନତା ପାର୍ଟି ବିପକ୍ଷରେ ଏକ ଶକ୍ତିଶାଳୀ ବିରୋଧୀ ଚେହେରା ଭାବେ ଦୃଢ଼ ପ୍ରତ୍ୟାବର୍ତ୍ତନ କରିଛନ୍ତି।
ତେବେ ନିୟମ ଅନୁଯାୟୀ ରାହୁଲଙ୍କୁ ଗୋଟିଏ ଆସନ ଛାଡ଼ିବାକୁ ପଡ଼ିବ, କାରଣ ଜଣେ ବ୍ୟକ୍ତି ଦୁଇଟି ଆସନରୁ ନିର୍ବାଚନ ଲଢ଼ିପାରିବେ କିନ୍ତୁ ଉଭୟ ଆସନ ବଜାୟ ରଖିପାରିବେ ନାହିଁ। ଯଦି କୌଣସି ପ୍ରାର୍ଥୀ ଦୁଇଟି ଲୋକସଭା ଆସନରୁ ନିର୍ବାଚିତ ହୁଅନ୍ତି, ତେବେ ଫଳାଫଳ ଘୋଷଣା ହେବାର ୧୪ ଦିନ ମଧ୍ୟରେ ସେମାନଙ୍କ ମଧ୍ୟରୁ ଗୋଟିଏ ଆସନରୁ ଇସ୍ତଫା ଦେବାକୁ ପଡ଼ିବ।
ଜୁନ୍ ୪ ତାରିଖରେ ଲୋକସଭା ନିର୍ବାଚନ ଫଳାଫଳ ପ୍ରକାଶ ପାଇଥିଲା। ଅର୍ଥାତ୍ ଜୁନ୍ ୧୮ ସୁଦ୍ଧା ରାହୁଲଙ୍କୁ ମନ ସ୍ଥିର କରିବାକୁ ପଡ଼ିବ। ପରବର୍ତ୍ତୀ ସମୟରେ ଏହି ଘଟଣା ପ୍ରିୟଙ୍କାଙ୍କୁ ୱାୟନାଡରୁ ନିର୍ବାଚନ ମୈଦାନରେ ଓହ୍ୱାଇପାରେ ।
ରାହୁଲ କେଉଁ ଆସନରେ ରହିବେ ତାକୁ ନେଇ ଚର୍ଚ୍ଚା ଜୋର ଧରିଥିବା ବେଳେ କେରଳ ପ୍ରଦେଶ କଂଗ୍ରେସ କମିଟି (କେପିସିସି) ମୁଖ୍ୟ କେ ସୁଧାକରନ ବୁଧବାର ୱାଏନାଡ ଖାଲି ହେବାର ସଙ୍କେତ ଦେଇଛନ୍ତି।
ଆମେ ଦୁଃଖିତ ହେବା ଉଚିତ ନୁହେଁ କାରଣ ଦେଶର ନେତୃତ୍ୱ ନେଉଥିବା ରାହୁଲ ଗାନ୍ଧି ୱାୟନାଡରେ ରହିବେ ବୋଲି ଆଶା କରାଯାଇପାରିବ ନାହିଁ। ତେଣୁ ଆମେ ଦୁଃଖୀ ହେବା ଉଚିତ୍ ନୁହେଁ। ସମସ୍ତେ ଏହାକୁ ବୁଝିବା ଦରକାର ଏବଂ ତାଙ୍କୁ ସମସ୍ତ ଶୁଭେଚ୍ଛା ଓ ସମର୍ଥନ ଦେବା ଉଚିତବୋଲି ପୂର୍ବତନ କଂଗ୍ରେସ ସଭାପତିଙ୍କ ସମ୍ଭାବ୍ୟ ନିଷ୍ପତ୍ତିକୁ ସୂଚାଇ ଏକ ସାଧାରଣ ସଭାରେ ସେ କହିଛନ୍ତି।
ରାହୁଲ ନିଜେ କହିଛନ୍ତି ଯେ ଏହି ନିଷ୍ପତ୍ତି ତାଙ୍କ ପାଇଁ ଏକ ଦ୍ୱନ୍ଦ୍ୱ ଥିଲା କିନ୍ତୁ ତାଙ୍କ ସମର୍ଥକମାନଙ୍କୁ ଚିନ୍ତା ନ କରିବାକୁ ଅନୁରୋଧ କରିଛନ୍ତି।
Comments are closed.