ମୁମ୍ବାଇ: ଏସିଡ୍ ଆକ୍ରମଣ କାହାଣୀକୁ ନେଇ ଖୁବଶୀଘ୍ର ପରଦାକୁ ଆସିବାକୁ ଯାଉଛି ହିନ୍ଦୀ ଚଳଚ୍ଚିତ୍ର ‘ଛପାକ’ । ଯାହାର ଟ୍ରେଲର ମଙ୍ଗଳବାର ଦିନ ଲଞ୍ଚ ହୋଇଛି । ସତ୍ୟ ଘଟଣା ଉପରେ ଆଧାରିତ ଏହି ଚଳଚ୍ଚିତ୍ରର ମୁଖ୍ୟ ଭୂମିକାରେ ଅଭିନୟ କରିଛନ୍ତି ଦୀପିକା ପଦୁକୋନ।
ଲଞ୍ଚିଂ ଦିନ ଫିଲ୍ମ ସମ୍ପର୍କରେ କିଛି କହିବାକୁ ଗଣମାଧ୍ୟମ ପ୍ରତିନିଧିମାନେ ଦୀପିକାଙ୍କୁ କହିଥିଲେ। ତେବେ ଦୀପିକା କିଛି କହିବା ଆଗରୁ ଭାବବିହ୍ବଳ ହୋଇଯାଇ କାନ୍ଦି ପକାଇ ଥିଲେ ।
ଏହି ଚଳଚ୍ଚିତ୍ରରେ ଏସିଡ ଆକ୍ରମଣର ଶିକାର ହୋଇଥିବା ଜଣେ ପୀଡିତାଙ୍କ ଭୂମିକାରେ ନଜର ଆସୁଛନ୍ତି ଦୀପିକା ।
ଫିଲ୍ମଟି ଏସିଡ ଆକ୍ରମଣର ଶିକାର ହୋଇଥିବା ପିଡୀତା ଲକ୍ଷ୍ମୀ ଅଗ୍ରୱାଲଙ୍କ ଜୀବନୀକୁ ନେଇ ତିଆରି ହୋଇଛି । ଯେଉଁ ଚରିତ୍ରକୁ ପରଦାରେ ତୁଲାଇଛନ୍ତି ଦୀପିକା ପଦୁକୋନ ।
ଅନେକ ସଂଘର୍ଷ ଆଉ ବାଧା ବିଘ୍ନଙ୍କୁ ସାମ୍ନା କରି କିପରି ମାଲତି ଜୀବନରେ ସଫଳତା ପାଏ ତାହାକୁ ପରଦାରେ ଦେଖାଇବେ ଦୀପିକା ।
ଜାନୁଆରୀ ୨୦ ତାରିଖରେ ରିଲିଜ ହେବାକୁ ଥିବା ଏହି ଚଳଚ୍ଚିତ୍ରର ନିର୍ଦ୍ଦେଶନା ଭାର ମେଘନା ଗୁଲଜାର ତୁଲାଇଥିବାବେଳେ, ପ୍ରଯୋଜନା ଦେଇଛନ୍ତି ଦୀପିକା ପାଦୁକନ । ଦୀପିକାଙ୍କ ପ୍ରଯୋଜିତ ଏହା ପ୍ରଥମ ଚଳଚ୍ଚିତ୍ର ।