ନ୍ୟୁୟର୍କ: ଆମେରିକାରେ ୫ ଜଣଙ୍କୁ ଗୁଳି କରି ନିର୍ମମ ହତ୍ୟା ଘଟଣା ସାମ୍ନାକୁ ଆସିଛି । ନ୍ୟୁୟର୍କର ମିଡଟାଉନ୍ ମାନହାଟନର ଏକ କାସିନୋ ବାହାରେ ମଙ୍ଗଳବାର ଆଖିବୁଜା ଗୁଳି ଚଳନା ହୋଇଥିଲା । ଯେଉଁଥିରେ ଜଣେ ପୋଲିସ ଅଫିସରଙ୍କ ମୃତ୍ୟୁ ହୋଇଥିବାବେଳେ, ସନ୍ଦିଗ୍ଧ ବନ୍ଧୁକଧାରୀ ଯୁବକର ବି ମୃତ୍ୟୁ ହଇଥିବା ସୂଚନା ରହିଛି । ଏଥିରେ ୪ ଜଣ ଆହତ ହୋଇଥିବା ସୂଚନା ରହିଛି । ସମସ୍ତ ଆହତଙ୍କୁ ମେଡିକାଲରେ ଭର୍ତ୍ତି କରାଯାଇଛି ।
ପୋଲିସ ଅଭିଯୁକ୍ତକୁ ଘଟଣାସ୍ଥଳରୁ ଧରିଥିଲା, କିନ୍ତୁ ସେ ଖସିଯିବାକୁ ଚେଷ୍ଟା କରିବା ସମୟରେ ସେ ପୋଲିସ ଗୁଳିର ଶିକାର ହୋଇଥିଲା । ସିସିଟିଭି ଫୁଟେଜରେ ଅଭିଯୁକ୍ତ ଏକ ଆସଲ୍ଟ ରାଇଫଲ୍ ସହିତ ଦେଖାଯାଇଥିଲା । ଆତଙ୍କବାଦ ବିରୋଧୀ ଦଳ ମଧ୍ୟ ଘଟଣାସ୍ଥଳରେ ପହଞ୍ଚି ଅଞ୍ଚଳକୁ ସିଲ୍ କରି ତଲାସି ଅଭିଯାନ ଚଳାଇଛନ୍ତି ।
ଏଫବିଆଇ ଡେପୁଟି ଡାଇରେକ୍ଟର ଡାନ୍ ବୋଙ୍ଗିନୋ କହିଛନ୍ତି ଯେ, ଗୁଳିଚାଳକ ଜଣକ ମାନହାଟନର E52 V ଷ୍ଟ୍ରିଟ୍ ଏବଂ ପାର୍କ ଆଭେନ୍ୟୁ ନିକଟରେ ଆତଙ୍କ ସୃଷ୍ଟି କରିଥିଲା । ଯେଉଁ ରାସ୍ତାରେ ଗୁଳିକାଣ୍ଡ ଘଟିଥିଲା ସେହି ରାସ୍ତାରେ ଅନେକ ପଞ୍ଚତାରକା ହୋଟେଲ ସହିତ କୋଲଗେଟ୍ ପାମୋଲିଭ୍ ଏବଂ ଅଡିଟର KPMG ସମେତ କର୍ପୋରେଟ୍ ଅଫିସ୍ ମାନ ରହିଛି । ନ୍ୟୁୟର୍କ ପୋଲିସ ପ୍ରତିଶୋଧ ନେଇ ଆକ୍ରମଣକାରୀଙ୍କୁ ଗିରଫ କରିଥିଲା, କିନ୍ତୁ ସେ ହାଜତରୁ ଖସି ପଳାଇ ଯାଇଥିଲା ଏବଂ ଗୁଳି ଚଳାଇ ଜଣେ ପୋଲିସ କର୍ମଚାରୀଙ୍କୁ ହତ୍ୟା କରିଥିଲା । ଆକ୍ରମଣକାରୀ ସିସି ଟିଭି କ୍ୟାମେରାରେ ଏକ ଲମ୍ବା ବନ୍ଧୁକ ଧରିଥିବାର ଦେଖାଯାଇଥିଲା ।
🇺🇸 At least 5 people were killed in a shooting in a Manhattan high-rise in New York, the New York Post reports.
According to the publication, a "crazed man" opened fire inside the skyscraper, which also houses the NFL headquarters. pic.twitter.com/F6A1wO3k3O
— Маrina Wolf (@volkova_ma57183) July 29, 2025
ପୋଲିସ ଅଧିକାରୀ କହିଛନ୍ତି ଯେ, ଆକ୍ରମଣକାରୀଙ୍କୁ ରୋକିବା ପାଇଁ କାସିନୋ କର୍ମଚାରୀମାନେ ଦ୍ୱାର ବନ୍ଦ କରି ରଖିଥିଲେ । ଚେୟାର ଏବଂ ଟେବୁଲ ରଖାଯାଇଥିଲା ଯାହା ଦ୍ୱାରା ସେ ଭିତରକୁ ପ୍ରବେଶ କରିପାରିବେ ନାହିଁ । ଆକ୍ରମଣକାରୀ ପ୍ରଥମେ ୫୨ତମ ଷ୍ଟ୍ରିଟ୍ ଏବଂ ପାର୍କ ଆଭେନ୍ୟୁରେ ଥିବା କୋଠାର ଲବିରେ ବନ୍ଧୁକ ଧରି ପ୍ରବେଶ କରି ଗୁଳି ଚଳାଇଥିଲେ । ତା’ପରେ ସେ ଦ୍ୱିତୀୟ ମହଲାକୁ ଯାଇ ସେଠାରେ ଥିବା ଲୋକଙ୍କୁ ଗୁଳି କରିଥିଲେ । କୋଠାରେ ଉପସ୍ଥିତ ଲୋକମାନେ ନିଜ ଜୀବନ ବଞ୍ଚାଇବା ପାଇଁ ବିଭିନ୍ନ ମହଲା, ରୋଷେଇ ଘର ଏବଂ ବାଥରୁମରେ ଲୁଚି ରହିଥିଲେ ।
ନ୍ୟୁୟର୍କ ପୋଲିସ ଏହି ଘଟଣାର ତଦନ୍ତ ଆରମ୍ଭ କରିଛି। ଗୁଳିମାଡ଼ର କାରଣ ଏବଂ ସନ୍ଦିଗ୍ଧ ବ୍ୟକ୍ତିର ପରିଚୟ ସମ୍ପର୍କରେ ବିସ୍ତୃତ ତଥ୍ୟ ଏପର୍ଯ୍ୟନ୍ତ ପ୍ରକାଶ ପାଇନାହିଁ। ତେବେ ଏହି ଘଟଣା ସ୍ଥାନୀୟ ଅଞ୍ଚଳରେ ଆତଙ୍କ ସୃଷ୍ଟି କରିଛି ।
Comments are closed.