ଢ଼ାକା: ଏଠାରେ ଅନୁଷ୍ଠିତ ଏକମାତ୍ର ଟେଷ୍ଟରେ ବାଂଲାଦେଶ ୫୪୬ ରନରେ ଆଫଗାନିସ୍ତାନକୁ ପରାସ୍ତ କରିଛି । ବାଂଲାଦେଶର ଏହା ସବୁଠାରୁ ବୃହତ ବିଜୟ । ସେହିପରି ଆନ୍ତର୍ଜାତୀୟ ଟେଷ୍ଟରେ ଏହା ରନ ବ୍ୟବଧାନରେ ତୃତୀୟ ବୃହତ ବିଜୟ । ୧୯୨୮ରେ ଇଂଲଣ୍ଡ ୬୭୫ ରନରେ ଅଷ୍ଟ୍ରେଲିଆକୁ, ୧୯୩୪ରେ ଅଷ୍ଟ୍ରେଲିଆ ୫୬୨ ରନରେ ଇଂଲଣ୍ଡକୁ ହରାଇଥିଲା । ଚଳିତ ଶତାବ୍ଦୀରେ ଏହା ସବୁଠାରୁ ବୃହତ ବିଜୟ । ବାଂଲାଦେଶ ପ୍ରଥମେ ବ୍ୟାଟିଂ ପ୍ରଥମ ଇନିଂସରେ ୩୮୨ ରନ କରିଥିଲା । ଜବାବରେ ଆଫଗାନିସ୍ତାନ ୧୪୬ ରନ କରିବାକୁ ସକ୍ଷମ ହୋଇଥିଲା । ଦ୍ୱିତୀୟ ଇନିଂସରେ ବାଂଲାଦେଶ ୪ ୱିକେଟ ବିନିମୟରେ ୪୨୫ ରନ କରି ଇନିଂସ ଘୋଷଣା କରିଥିଲା ।
୬୬୨ ରନର ଟାର୍ଗେଟକୁ ପିଛା କରି ଆଫଗାନିସ୍ତାନ ୧୧୫ ରନ କରି ଅଲଆଉଟ ହୋଇ ଯାଇଥିଲା । ନଜମୁଲ ହୁସେନ ଦୁଇଯି ଯାକ ଇନିଂସରେ ଶତକ ହାସଲ କରିଥିଲେ । ଶେରୀଫୁଲ ଇସଲାମ ଓ ଏବୋଦ ହୁସେନ ୨ଟି ଯାକ ଇନିଂସରେ ମିଶି ୫ଟି ଲେଖାଁଏ ୱିକେଟ ଅକ୍ତିଆର କରିଥିଲେ । ଆଫଗାନିସ୍ତାନ ଉଭୟ ବ୍ୟାଟିଂ ଓ ବୋଲିଂରେ ବାଂଲାଦେଶର ଉଚିତ ମୁକାବିଲା କରିପାରି ନ ଥିଲା ।