ଚଟ୍ଟୋଗ୍ରାମ: ବାଂଲାଦେଶ ବିପକ୍ଷ ପ୍ରଥମ କ୍ରିକେଟ ଟେଷ୍ଟର ଦ୍ୱିତୀୟ ଦିବସ ଶେଷ ସୁଦ୍ଧା ଭାରତ ଦୃଢ଼ ସ୍ଥିତିରେ ରହିଛି । ବାଂଲାଦେଶ ବ୍ୟାଟ୍ସମ୍ୟାନ ଏବେ ଫଲୋଅନ ଏଡାଇବା ପାଇଁ ସଂଘର୍ଷ ଜାରୀ ରଖିଛନ୍ତି । ଭାରତର ପ୍ରଥମ ଇନିଂସ ସ୍କୋର ୪୦୪ ରନ ଜବାବରେ ବାଂଲାଦେଶ ଷ୍ଟମ୍ପ୍ସ ଅପସାରଣ ବେଳକୁ ୮ ୱିକେଟ ହରାଇ ୧୩୩ ରନ କରିଛି । ଫଲୋଅନ ଏଡାଇବା ପାଇଁ ସେମାନଙ୍କୁ ଆଉ ୭୨ ରନର ଆବଶ୍ୟକ ହେଉଛି । ପୂର୍ବରୁ ଭାରତ ଅସମାପ୍ତ ପ୍ରଥମ ଇନିଂସ ସ୍କୋର ୨୭୮/୬ରୁ ବ୍ୟାଟିଂ ଆରମ୍ଭ କରିଥିଲା । ଶ୍ରେୟାଶ ଆୟାର ୮୬ ରନ କରି ଆଉଟ ହେବା ପରେ ରବିଚନ୍ଦ୍ରନ ଅଶ୍ୱୀନ ୫୮ ଓ କୁଲଦୀପ ଯାଦବ ୪୦ ରନର ଇନିଂସ ଖେଳିଥିଲେ । ବାଂଲାଦେଶ ପକ୍ଷରୁ ତାଜିଉଲ ଇସଲାମ ଓ ମେହେଦି ହାସନ ମିରାଜ ୪ଟି ଲେଖାଁଏ ୱିକେଟ ନେଇଥିଲେ ।
That's Stumps on Day 2 of the first #BANvIND Test!
A dominating show with the ball by #TeamIndia! 👍👍
4⃣ wickets for @imkuldeep18
3⃣ wickets for @mdsirajofficial
1⃣ wicket for @y_umeshScorecard ▶️ https://t.co/CVZ44NpS5m pic.twitter.com/SkqzNIqlSj
— BCCI (@BCCI) December 15, 2022
ବାଂଲାଦେଶ ପ୍ରଥମ ଇନିଂସ ବ୍ୟାଟିଂ ଆରମ୍ଭ କରି ପ୍ରାରମ୍ଭିକ ଝଟକା ଖାଇଥିଲା । ନାଜିମୁଲ ହୁସେନ ଖାତା ଖୋଲି ନ ପାରି ଆଉଟ ହୋଇଥିଲେ । ଏହା ପରେ ମହମ୍ମଦ ସିରାଜ ଓ କୁଲଦୀପ ଯାଦବଙ୍କ ଚମତ୍କାର ବୋଲିଂ ଯୋଗୁ ଦଳର ବ୍ୟାଟିଂ ବିପର୍ଯ୍ୟୟ ଘଟିଥିଲା । ଉଭୟ ଯଥାକ୍ରମେ ୪ଟି ଓ ୩ଟି ୱିକେଟ ନେଇଥିଲେ । ମୁସଫିକର ରହିମ ଦଳ ପକ୍ଷରୁ ସର୍ବାଧିକ ୨୮ ରନ କରିଥିଲା । ୱାର୍ଲ୍ଡ ଟେଷ୍ଟ ଚାମ୍ପିୟନଶିପ ଫାଇନାଲରେ ପ୍ରବେଶ କରିବା ପାଇଁ ପ୍ରଥମେ ବାଂଲାଦେଶ ବିପକ୍ଷ ୨ଟି ଟେଷ୍ଟ ଭାରତକୁ ଜିତିବା ଜରୁରୀ ହୋଇପଡିଛି ।