ମୁମ୍ବାଇ: ଜାନୁଆରୀ 25 ରେ ହାଇ ବଜେଟ ସିନେମା ଫାଇଟର ବଡ଼ ପରଦାରେ ରିଲିଜ ହୋଇଛି। ଦୁଇ ଦିନରେ ସିନେପ୍ରେମୀଙ୍କୁ ଆକୃଷ୍ଟ କରିବାରେ ସଫଳ ହୋଇଛି ଏହି ସିନେମା। ଗଣତନ୍ତ୍ର ଦିବସ ଏକ ଜାତୀୟ ଛୁଟିଦିନ ହେତୁ ଫିଲ୍ମଟି ବକ୍ସ ଅଫିସରେ ଭଲ ବ୍ୟବସାୟ କରିପାରିଛି। ଫଳରେ ଦୁଇ ଦିନ ମଧ୍ୟରେ ଭାରତରେ ଫିଲ୍ମର କଲେକ୍ସନ୍ ୫୦ କୋଟିରୁ ଅଧିକ ଟଙ୍କା ରୋଜଗାର କରିଛି। ସେହିପରି ବିଶ୍ୱରୁ ପ୍ରାୟ ୭୫ କୋଟି ଟଙ୍କା ଆୟ କରିଥିବା ଜଣାପଡ଼ିଛି। ଏହି କାରଣରୁ ହ୍ରିତିକ ରୋଶନ ଏବଂ ଦୀପିକା ପାଦୁକୋନଙ୍କ ଅଭିନିତ ଫାଇଟର ବକ୍ସ ଅଫିସରେ ଧମାଲ କରିଛି।
ବକ୍ସ ଅଫିସ୍ ଟ୍ରାକର୍ ସକନିଲ୍କର ପ୍ରାରମ୍ଭିକ ତଥ୍ୟ ଅନୁଯାୟୀ ପ୍ରଥମ ଦିନରେ ୨୨.୫ କୋଟି ଟଙ୍କାରେ ଖୋଲିବା ପରେ ଦ୍ୱିତୀୟ ଦିନରେ ଫାଇଟର୍ ଫିଲ୍ମର ଚିତ୍ର ୩୯ କୋଟି ଟଙ୍କା ଥିଲା। ଏହା ପରେ ଭାରତରେ ରୋଜଗାର ୬୧.୫ କୋଟିରେ ପହଞ୍ଚିଛି। ପ୍ରଥମ ଦିନରେ ୩୬.୦୪ କୋଟି ଟଙ୍କା ରୋଜଗାର କରିବା ପରେ ବିଶ୍ୱରୁ ସଂଗ୍ରହ ବିଷୟରେ କହିବାକୁ ଗଲେ ପ୍ରଥମ ଦିନରେ ୩୬.୦୪ କୋଟି ଟଙ୍କା ଆୟ କରିଥିବା ବେଳେ ଫାଇଟର ଦ୍ୱିତୀୟ ଦିନରେ ପ୍ରାୟ ୭୫ କୋଟି ଟଙ୍କା ଆୟ କରିଥିବା ଜଣାପଡ଼ିଛି।
ଏଠାରେ କହି ରଖୁ କି ହ୍ରିତିକ ରୋଶନ, ଦୀପିକା ପାଦୁକୋନ ଓ ଅନୀଲ କପୁର ଅଭିନିତ ଏହି ସିନେମାର ବଜେଟ ୨୫୦ କୋଟି ଟଙ୍କା ରହିଥିବା ଜଣାପଡ଼ିଛି। ତେବେ ଏହି ହାଇ ବଜେଟ ସିନେମାଟି ପ୍ରଥମ ସପ୍ତାହରେ ୧୫୦ କୋଟି ଟଙ୍କାରୁ ଅଧିକ ଆୟ କରିବା ନେଇ ଆଶା କରାଯାଉଛି। ଏଠାରେ କହି ରଖୁ କି ଏହି ସିନେମାନେ କରନ ସିଂ ଗ୍ରୋଭର ଓ ଅକ୍ଷୟ ଓବରାୟ ମଧ୍ୟ ନଜର ଆସିଛନ୍ତି। ଫିଲ୍ମର ନିର୍ଦ୍ଦେଶନା ଦାୟିତ୍ୱ ସିଦ୍ଧାର୍ଥ ଆନନ୍ଦ ତୁଲାଇଛନ୍ତି।