ଭୁବନେଶ୍ୱର: ସେପ୍ଟେମ୍ବର ୩୦ ତାରିଖ ପୂର୍ବରୁ ଆରମ୍ଭ ହେବ ବିଧାନସଭା ଅଧିବେଶନ । ଏ ନେଇ ବାଚସ୍ପତି ସୂର୍ଯ୍ୟ ନାରାୟଣ ପାତ୍ର ସୂଚନା ଦେଇଛନ୍ତି । ଲୋକସଭା କାର୍ଯ୍ୟକାଳକୁ ଦେଖିବା ପରେ ହିଁ ଏ ନେଇ ନିଷ୍ପତ୍ତି ନିଆଯିବ ବୋଲି ବାଚସ୍ପତି କହିଛନ୍ତି । ବର୍ତ୍ତମାନ ରାଜସ୍ଥାନରେ ବିଧାନସଭା ବସିଛି । ଲୋକସଭା ବାଚସ୍ପତି ସଚିବଙ୍କ ସହ କଥା ହୋଇଛି ବୋଲି ସୂର୍ଯ୍ୟ ନାରାୟଣ ପାତ୍ର କହିଛନ୍ତି ।
ତେବେ ଅଧିବେଶନ କେମିତି ବସିବ ସେନେଇ ଗତକାଲି ସଂସଦ ସଚିବଙ୍କ ସହ ପୁଣି ଆଲୋଚନା ହୋଇଛି । ଖୁବଶୀଘ୍ର ସଂସଦ ପକ୍ଷରୁ ଲିଖିତ ଗାଇଡଲାଇନ ଆସିବ l ଏହି ଗାଇଡ଼ଲାଇନ ଓ ରାଜ୍ୟର କୋଭିଡ୍ ପରିସ୍ଥିତିକୁ ଦେଖି ଓଡିଶା ବିଧାନସଭା କିପରି ବସିବ ତାହା ଉପରେ ବିଚାର ବିମର୍ଷ କରାଯାଇ ନିଷ୍ପତି ନିଆଯିବ ବୋଲି ବାଚସ୍ପତି କହିଛନ୍ତି l କେବଳ ସେତିକି ନୁହେଁ, ବିଧାନସଭାରେ ଏଥର ପ୍ରଶ୍ନକାଳ ରହିବ କି ନାହିଁ ତାହା ଉପରେ ବି ଆଲୋଚନା ଚାଲିଛି l