ଉତ୍ତରାଖଣ୍ଡ : ପରୀ ରାଇଜ କଥା ଶୁଣିବାକୁ କାହାକୁ ବି ଭଲ ନ ଲାଗେ । ଏହି ପରୀ ମାନଙ୍କ କଥା କହିଲେ ମନରେ ଅନେକ ପ୍ରଶ୍ନ ଉଙ୍କି ମାରେ। ସେମିତି ଏକ ସ୍ଥାନ ରହିଛି ଯେଉଁସ୍ଥାନକୁ କୁଆଡେ ପରୀ ମାନେ ଆସିଥାନ୍ତି । ଏହାକୁ ନେଇ ଲୋକଙ୍କ ମନରେ ବି ରହିଛି ଅନେକ ବିଶ୍ୱାସ। ଏ ହେଉଛି ଉତ୍ତରାଖଣ୍ଡର ଖୈଟ ପର୍ବତ । ବିଶ୍ୱାସ ରହିଛି ଏଠାରେ ଅଛି ପରୀ ରାଇଜ।
ଦୁନିଆର ସବୁଠୁ ବଡ଼ ରହସ୍ୟମୟ ପର୍ବତ ହେଉଛି ଏହି ଖୈଟ ପର୍ବତ। ଏହି ଶିଖରରେ ରହିଛି ମାଆ ଦୁର୍ଗା ଦେବୀଙ୍କ ମନ୍ଦିର । ଯେଉଁଠି ମାଆଙ୍କ ପୂଜା ପାଇଁ ରାତି ହୋଇଗଲେ ପରୀମାନେ ଆସିଥାନ୍ତି । ସେହି ସ୍ଥାନକୁ ସାଧାରଣ ଲୋକଙ୍କୁ ବାରଣ ରହିଛି। ଏହି ଜାଗାରେ ପହଂଚିବା କଷ୍ଟ ସାଧ୍ୟ ହୋଇଥିଲେ ବି ଆଖପାଖରେ କେହି ଲୋକ ରୁହନ୍ତି ନାହିଁ। ଖାସ୍ କରି ଏହି ସ୍ଥାନକୁ ଲାଲ୍ ଓ ହଳିଦିଆ ରଙ୍ଗ ପିନ୍ଧି ଯିବାକୁ ବାରଣ କରାଯାଇଛି।
ଏହି ଘଟଣାର ସତ୍ୟତା ଜାଣିବାକୁ ବହୁବାର ଚେଷ୍ଟା କରାଯାଇଛି । ଏପରିକି ସେହି ସ୍ଥାନରେ ପାରାନର୍ମଲ ଆକ୍ଟିଭିଷ୍ଟ ବି ଯାଇ ଫେଲ୍ ମାରିଛନ୍ତି। ପରୀ ମାନଙ୍କୁ ନଦେଖିଥିଲେ ବି କିଛି ଅଜବ ଘଟଣା ସବୁ ସେମାନଙ୍କ ସହ ଘଟିଥିଲା । କିଛି ଝାପସା ଚିତ୍ର ବି ସେମାନଙ୍କ ସାମନାକୁ ଆସିଥିଲା। ତା ପରଠାରୁ କିନ୍ତୁ ସେହି ଅଞ୍ଚଳକୁ ପରୀ ମାନଙ୍କର ବୋଲି ଘୋଷଣା କରିଦିଆଗଲା ।
ହେଲେ ବାସ୍ତବରେ ସେମାନଙ୍କୁ ପରୀ ନା ଆଉ କିଛି ଝଲକ ଦେଖିବାକୁ ମିଳିଥିଲା ତାହା ଏବେ ବି ସମସ୍ତଙ୍କ ଜ୍ଞାତ ସାର ବାହାରେ । ସତରେ କଣ ସେଠି ପରୀ ମାନଙ୍କ ରାଜ୍ ଚାଲିଛି। ଏନେଇ ସମସ୍ତଙ୍କ ମନରେ ସେଇ ଗୋଟିଏ ପ୍ରଶ୍ନ। ଯାହାକି ଆଜି ଯାଏ ସମାଧାନ ହୋଇପାରିନି। . . .
Comments are closed.