ଭୁବନେଶ୍ୱର: ସୋସିଆଲ୍ ମିଡିଆରେ ଆଫଗାନିସ୍ତାନ୍ କ୍ରିକେଟର୍ ମହମ୍ମଦ ଶେହଜାଦଙ୍କ ଫଟୋ ଭାଇରାଲ୍ । ବଙ୍ଗଳାଦେଶର ଶେର୍-ଏ-ବାଙ୍ଗଲା ନ୍ୟାସନାଲ୍ ଷ୍ଟାଡିୟମରେ ସିଗାରେଟ୍ ଟାଣିବା ନେଇ ତାଙ୍କୁ ତୀବ୍ର ସମାଲୋଚନା କରାଯାଇଛି ।
ଗତ ଶୁକ୍ରବାର ବାଙ୍ଗଲାଦେଶ ପ୍ରିମିଅର୍ ଲିଗରେ ମୁହାଁମୁହିଁ ହୋଇଥାନ୍ତେ କମିଲା ଭିକ୍ଟୋରିଆନ୍ସ ଓ ମିନିଷ୍ଟର୍ ଗ୍ରୁପ୍ ଢାକା । ହେଲେ ବର୍ଷା ପାଇଁ ମ୍ୟାଚ୍ ବାତିଲ ହୋଇଥିଲା । ସେଦିନ ସଂଧ୍ୟାରେ ଅନ୍ୟ କିଛି ଖେଳାଳିଙ୍କ ସହ କ୍ରିକେଟର୍ ଶେହଜାଦ ମଧ୍ୟ ପଡିଆରେ ଉପସ୍ଥିତ ଥିଲେ । ସେହି ସମୟରେ ଶେହଜାର ପଡିଆ ମଝିରେ ସିଗାରେଟ୍ ଟାଣିବାର ଫଟୋ ବହୁଳ ମାତ୍ରାରେ ଭାଇରାଲ୍ ହୋଇଥିଲା ।
ମିଳିଥିବା ରିପୋର୍ଟ ଅନୁଯାୟୀ ମିନିଷ୍ଟର୍ ଗ୍ରୁପ ଢାକାର କୋଚ୍ ମିଜାନୁର୍ ରେହମାନ ଓ ତମିମ୍ ଇକବାଲ୍ ସିଗାରେଟ ନଟାଣିବାକୁ ଶେହଜାଦଙ୍କୁ ଚେତାବନୀ ଦେଇଥିଲେ । ଏପରିକି ତାଙ୍କୁ ଡ୍ରେସିଂ ରୁମ୍ ଚାଲିଯିବାକୁ କୁହାଯାଇଥିଲା । ହେଲେ ସେ କାହାରି କଥା ନଶୁଣି ପଡିଆ ମଝିରେ ହିଁ ସିଗାରେଟ୍ ଟାଣିଥିଲେ ।
ଶେହଜାଦଙ୍କ ଫଟୋ ଭାଇରାଲ୍ ହେବା ପରେ ବଙ୍ଗଳାଦେଶ କ୍ରିକେଟ୍ ବୋର୍ଡ ଶେହଜାରଙ୍କ ବିରୋଧରେ କାର୍ଯ୍ୟାନୁଷ୍ଠାନ ଗ୍ରହଣ କରିଛି । ବୋର୍ଡ ନିକଟରେ ଶେହଜାଦ ନିଜ ଭୁଲ୍ ସ୍ୱୀକାର କରିଥିଲାବେଳେ ଆଗକୁ ଏପରି ନକରିବାକୁ ପ୍ରତିଶ୍ରୁତି ଦେଇଛନ୍ତି ।
Comments are closed.