ନୂଆଦିଲ୍ଲୀ: ବିଜେପି ଗଡରେ ବିଜେପିକୁ କଡା ଟକ୍କର ଦେବ ଆପ୍ । ଏମିତି ଦୃଢୋକ୍ତି ବାଢିଛନ୍ତି କେଜ୍ରିୱାଲ । ଏକଜିଟ୍ ପୋଲ୍ ଉପରେ ପ୍ରତିକ୍ରିୟା ରଖିଛନ୍ତି ଆମ୍ ଆଦମୀ ପାର୍ଟି ମୁଖ୍ୟ ତଥା ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ କହିଛନ୍ତି, ଶାସକ ବିଜେପିକୁ ଚ୍ୟାଲେଞ୍ଜ କରିବା ପାଇଁ ଦଳ ଏକ ବିଶାଳ ଅଭିଯାନ ଆରମ୍ଭ କରିଛି । ଏହା ଦିଲ୍ଲୀ ମ୍ୟୁନିସିପାଲିଟି କର୍ପୋରେସନରେ ଏକ ବିଜୟର ଗର୍ଜନ ।
ଗତକାଲି ଏକ୍ଜିଟ୍ ପୋଲ୍ ସର୍ଭେରେ ଦିଲ୍ଲୀର ମ୍ୟୁନିସିପାଲିଟି କର୍ପୋରେସନ୍ରେ ଆପ୍ ସ୍ୱିପ୍ କରିବ ବୋଲି ପୂର୍ବାନୁମାନ କରାଯାଇଥିଲା । କିନ୍ତୁ ଗୁଜୁରାଟ ଏବଂ ହିମାଚଳ ପ୍ରଦେଶରେ ଆପ୍ ଏକ ଫ୍ଲପ୍ ସୋ କରିବ ବୋଲି ଆକଳନ କରାଯାଇଥିଲା । ହେଲେ ଏହାକୁ ଖଣ୍ଡନ କରିଛନ୍ତି ଆପ୍ ମୁଖ୍ୟ ଅରବିନ୍ଦ କେଜ୍ରିୱାଲ ।
ଏକ ଉଜ୍ଜ୍ୱଳ ତଥା ଶକ୍ତିଶାଳୀ ଅଭିଯାନ ସହିତ ଦଳ ରାଜ୍ୟରେ ମୁଖ୍ୟ ବିରୋଧୀ ଭାବରେ କଂଗ୍ରେସର ବିକଳ୍ପ ଭାବରେ ନିଜକୁ ସ୍ଥାନିତ କରିଛି । ମତଦାନ ଭୁଲ ପ୍ରମାଣିତ ହେବ ଏବଂ ଦଳ ପ୍ରକୃତରେ ଶହେଟି ଆସନ ଜିତିବ ବୋଲି ସେ ଦୃଢୋକ୍ତି ପ୍ରକାଶ କରିଛନ୍ତି । ଦିଲ୍ଲୀ ମୁଖ୍ୟମନ୍ତ୍ରୀ କହିଛନ୍ତି ଯେ ଏକ ନୂତନ ଦଳ ପାଇଁ ୧୫ରୁ ୨୦ ପ୍ରତିଶତ ଭୋଟ୍ ପାଇବା ବିଜେପି ଗଡ଼ରେ ମଧ୍ୟ ଏକ ବଡ କଥା ।
ସେପଟେ ଦିଲ୍ଲୀର ମ୍ୟୁନିସିପାଲିଟି କର୍ପୋରେସନରେ ହୋଇଥିବା ଏକ୍ଜିଟ୍ ପୋଲ୍ ଅନୁଯାୟୀ, ବିଜେପିର ୧୫ ବର୍ଷର ଶାସନକୁ ସମାପ୍ତ କରି ଦିଲ୍ଲୀର ମ୍ୟୁନିସିପାଲିଟି କର୍ପୋରେସନରେ ଆପ୍ ବାଜିମାତ କରିବ ଓ ଆସନ୍ତାକାଲିକୁ ଅପେକ୍ଷା କର ବୋଲି କେଜ୍ରିୱାଲ କହିଛନ୍ତି । ଅନ୍ୟପଟେ ଆପ ଉପରେ ପୁଣି ଥରେ ବିଶ୍ୱାସ କରିଥିବାରୁ ଦିଲ୍ଲୀବାସୀଙ୍କୁ ଅଭିନନ୍ଦନ ଜଣାଇଛନ୍ତି ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ।
Comments are closed.