ଭୁବନେଶ୍ୱର: ଓଡ଼ିଶାରେ ପ୍ରବଳ ଗ୍ରୀଷ୍ମ ପ୍ରବାହ ଅନୁଭୂତ ହେଉଛି। ଶୁକ୍ରବାର ଅପରାହ୍ନ ୨.୩୦ ସୁଦ୍ଧା ଝାରସୁଗୁଡ଼ାରେ ପାରଦ ୪୪.୬⁰ ସେଲ୍ସିୟସ୍ ବୃଦ୍ଧି ପାଇଛି।
ବୁଧବାର ଦିନ ଝାରସୁଗୁଡ଼ା ଦେଶର ସବୁଠାରୁ ଉତ୍ତପ୍ତ ସ୍ଥାନ ଭାବରେ ଉଭା ହୋଇଥିଲା। ଯାହା ଆଜିର ୪୪.୬⁰ସେଲ୍ସିୟସ୍ ଠାରୁ ୩.୪ ଡିଗ୍ରୀ ଅଧିକ ରେକର୍ଡ କରାଯାଇଥିଲା। ତା ପରଦିନ ତାଳଚେରରେ ୪୪ ଡିଗ୍ରୀ ତାପମାତ୍ରା ରେକର୍ଡ କରାଯାଇଥିଲା ବେଳେ ଭୁବନେଶ୍ୱର ଏବଂ କଟକ ସମେତ ୨୪ ଟି ସ୍ଥାନରେ ତାପମାତ୍ରା ୪୦⁰ସେଲ୍ସିୟସ୍ ଉପରେ ରେକର୍ଡ କରାଯାଇଥିଲା।
ସମ୍ବଲପୁର (୪୨.୮⁰ ସେଲ୍ସିୟସ୍), ହୀରାକୁଦ (୪୨.୬⁰ ସେଲ୍ସିୟସ୍), ଭୁବନେଶ୍ୱର (୩୯.୨° ସେଲ୍ସିୟସ୍), କେନ୍ଦୁଝର (୩୮.୬° ସେଲ୍ସିୟସ୍) ଏବଂ ରାଉରକେଲା (୪୨.୪⁰ ସେଲ୍ସିୟସ୍)ରେକର୍ଡ କରାଯାଇଛି।
ସେହିପରି ଭାରତୀୟ ପାଣିପାଗ ବିଭାଗ ଅନୁଯାୟୀ କେନ୍ଦୁଝର, ମୟୂରଭଞ୍ଜ, ବାଲେଶ୍ୱର, ଭଦ୍ରକ, ଯାଜପୁର, କେନ୍ଦ୍ରାପଡ଼ା, କଟକ, ଜଗତସିଂହପୁର, ପୁରୀ, ଖୋର୍ଦ୍ଧା, ନୟାଗଡ଼, ଗଞ୍ଜାମ, ଗଜପତି ଜିଲ୍ଲାର ଅନେକ ସ୍ଥାନରେ ଏପ୍ରିଲ ୨୫ ପର୍ଯ୍ୟନ୍ତ ଗରମ ଅନୁଭୂତ ହେବ।