MT Jalveer came under attack:ଭାରତୀୟ ଜାହାଜ ‘ଜଲବୀର’ ଉପରେ ଆକ୍ରମଣ; ୩ ଦିନରେ ତୃତୀୟ ଜାହାଜ ଉପରେ ଆକ୍ରମଣ

ନୂଆଦିଲ୍ଲୀ:ଓମାନ ନିକଟରେ ଭାରତୀୟ ସିପ୍ ଜଳବୀର ଉପରେ ହମଲା ହୋଇଛି । ୩ ଦିନରେ ତୃତୀୟ ଜାହାଜ ଉପରେ ଆକ୍ରମଣ । ଆମେରିକା ମାତ୍ର କିଛି ଦିନ ମଧ୍ୟରେ ଭାରତ ସହିତ ଜଡିତ ଏକ ଜାହାଜ ଉପରେ ତୃତୀୟ ଆକ୍ରମଣ କରିଛି। ଓମାନ ଉପକୂଳରେ MT ଜଳବିହାର ନାମକ ଏକ ମାଲବାହୀ ଜାହାଜ ଉପରେ ଆକ୍ରମଣ ହୋଇଛି। ମସ୍କାଟ୍ ଡେଲିର ଏକ ରିପୋର୍ଟ ଅନୁଯାୟୀ, ଏଥିରେ କୋଡିଏ ଜଣ ଭାରତୀୟ ନାବିକ ଥିବା ଜଣାପଡ଼ିଛି। ବର୍ତ୍ତମାନ ଜାହାଜରେ ଆହତ କିମ୍ବା କ୍ଷତି ସମ୍ପର୍କରେ କୌଣସି ସୂଚନା ମିଳି ନାହିଁ। ପୂର୍ବରୁ ଭାରତୀୟମାନଙ୍କୁ ନେଇ ଯାଉଥିବା ଅନ୍ୟ ଦୁଇଟି ଜାହାଜ ଉପରେ ଆକ୍ରମଣ କରାଯାଇଥିଲା।

ଓମାନରେ ଥିବା ଭାରତୀୟ ଦୂତାବାସ ଏହି ଆକ୍ରମଣ ସମ୍ପର୍କରେ ସୂଚନା ପ୍ରଦାନ କରିଛି। ଅଧିକ ବିବରଣୀ ସଂଗ୍ରହ କରାଯାଉଛି।

We have learnt of an incident involving a vessel off Shinas port of Oman, earlier today . We are closely monitoring the situation and coordinating with the local authorities for further details.

— India in Oman (Embassy of India, Muscat) (@Indemb_Muscat) June 11, 2026

ଓମାନରେ ଥିବା ଭାରତୀୟ ଦୂତାବାସ ମଧ୍ୟ କହିଛି ଯେ ଏହି ଘଟଣା ବିଷୟରେ ଅବଗତ ଅଛୁ ଏବଂ ସ୍ଥାନୀୟ କର୍ତ୍ତୃପକ୍ଷଙ୍କ ସହ କାମ କରୁଛି। ଏକ ବିବୃତ୍ତିରେ, ଦୂତାବାସ କହିଛି, “ଆଜି ଓମାନର ଶିନାସ୍ ବନ୍ଦର ନିକଟରେ ଏକ ଜାହାଜ ସହିତ ଜଡିତ ଏକ ଘଟଣା ବିଷୟରେ ଆମେ ଜାଣିବାକୁ ପାଇଛୁ। ଆମେ ପରିସ୍ଥିତି ଉପରେ କଡ଼ା ନଜର ରଖିଛୁ ଏବଂ ଅଧିକ ସୂଚନା ପାଇଁ ସ୍ଥାନୀୟ କର୍ତ୍ତୃପକ୍ଷଙ୍କ ସହ ସମନ୍ୱୟ ରଖୁଛୁ।”

ଏହା ପୂର୍ବରୁ ଜୁନ୍ ୮ ତାରିଖରେ MT ମାରିଭାକ୍ସ ଉପରେ ସନ୍ଦିଗ୍ଧ ଆକ୍ରମଣ ହୋଇଥିଲା । ଏହି ଆକ୍ରମଣରେ ଟ୍ୟାଙ୍କରଟିରେ ନିଆଁ ଲାଗିଯାଇଥିଲା। ଜାହାଜରେ ଥିବା ସମସ୍ତ ୨୪ ଜଣ ଭାରତୀୟ କ୍ରୁ ସଦସ୍ୟ ସୁରକ୍ଷିତ ଥିବାର ରିପୋର୍ଟ କରାଯାଇଥିଲା ।

ଏହା ପରେ ଗତ ବୁଧବାର ଦିନ ଓମାନ ଉପକୂଳରେ ଏକ ମାଲବାହୀ ଜାହାଜ ଉପରେ ଆକ୍ରମଣ ହୋଇଥିଲା। ଏହି ଆକ୍ରମଣରେ ତିନି ଜଣ ଭାରତୀୟ ନାବିକଙ୍କ ମୃତ୍ୟୁ ହୋଇଥିଲା। ସୂଚନାଥାଉକି, ଆକ୍ରମଣ ପାଲାଉ-ପତାକାଯୁକ୍ତ ଜାହାଜ MT ସେଟେବେଲୋ ଉପରେ କରାଯାଇଥିଲା।

ସେଟେବେଲୋ ଉପରେ ଆକ୍ରମଣ ପାଇଁ ନୂଆଦିଲ୍ଲୀ ଏକ କଠୋର କୂଟନୈତିକ ପ୍ରତିକ୍ରିୟା ଜାରି କରିଛି। ଭାରତ ଦେଶର ସବୁଠାରୁ ବରିଷ୍ଠ ଆମେରିକୀୟ କୂଟନୀତିଜ୍ଞଙ୍କୁ ଡକାଇ ଆକ୍ରମଣ ସମ୍ପର୍କରେ କଡ଼ା ପ୍ରତିବାଦ ଜଣାଇଛି। ବୈଦେଶିକ ମନ୍ତ୍ରଣାଳୟ ଏହି ଘଟଣାକୁ ନିନ୍ଦା କରିଛି ଏବଂ ଜାହାଜରେ ଥିବା ଭାରତୀୟ ନାଗରିକଙ୍କ ସୁରକ୍ଷା ପାଇଁ ଚିନ୍ତା ପ୍ରକାଶ କରିଛି।