ନୂଆଦିଲ୍ଲୀ: ରୋଜଗାର ପ୍ରସଙ୍ଗରେ ଅନେକ ସମୟରେ ବିରୋଧୀଙ୍କ ପ୍ରଶ୍ନବାଣର ସମ୍ମୁଖୀନ ହେଉଥିବା ମୋଦୀ ସରକାର ବୋଧହୁଏ ଏହି ସଙ୍କଟକୁ ଦୂର କରିବା ପାଇଁ ଯୋଜନା ପ୍ରସ୍ତୁତ କରୁଛନ୍ତି। ପିଏମଓ ଦେଇଥିବା ସୂଚନା ଅନୁଯାୟୀ ଆସନ୍ତା ଦେଢ ବର୍ଷ ମଧ୍ୟରେ କେନ୍ଦ୍ର ସରକାର ସମସ୍ତ ବିଭାଗରେ ୧୦ ଲକ୍ଷ ପଦବୀ ନିଯୁକ୍ତି ପାଇବେ। ଆଗକୁ ସାଧାରଣ ନିର୍ବାଚନ ରହିଛି । ଏହା ପୂର୍ବରୁ ବିରୋଧୀ ବେରୋଜଗାରୀକୁ ମୁଦ୍ଦା କରିବା ସୁନିଶ୍ଚିତ। ତେଣୁ ଏହା ପୂର୍ବରୁ ମୋଦୀ ସରକାର ମୁଦ୍ଦାର ଅନ୍ତ କରିବାକୁ ଅଣ୍ଟା ଭିଡିଥିବା ସୂଚନା ରହିଛି।
ପିଏମଓ ଇଣ୍ଡିଆ ଆକାଉଣ୍ଟରୁ ଏ ସମ୍ପର୍କରେ ସୂଚନା ଦେଇ ଟ୍ୱିଟ୍ କରି କୁହାଯାଇଛି, ‘ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ସମସ୍ତ ମନ୍ତ୍ରଣାଳୟ ଏବଂ ବିଭାଗରେ ମାନବ ସମ୍ବଳର ସମୀକ୍ଷା କରିଛନ୍ତି। ଏହା ସହିତ ସେ ସରକାରଙ୍କୁ ନିର୍ଦ୍ଦେଶ ଦେଇଛନ୍ତି ଯେ ଆଗାମୀ ଦେଢ ବର୍ଷ ମଧ୍ୟରେ ଏହାକୁ ମିଶନ ମୋଡରେ କାମ କରିବା ଏବଂ ୧୦ ଲକ୍ଷ ଲୋକଙ୍କୁ ନିଯୁକ୍ତି ଦିଆଯାଉ।
PM @narendramodi reviewed the status of Human Resources in all departments and ministries and instructed that recruitment of 10 lakh people be done by the Government in mission mode in next 1.5 years.
— PMO India (@PMOIndia) June 14, 2022
ଚାକିରି ଖୋଜୁଥିବା ଯୁବକମାନଙ୍କ ପାଇଁ ମୋଦୀ ସରକାରଙ୍କ ଏହି ନିଷ୍ପତ୍ତି ଏକ ବଡ଼ ଖବର। ପାଟନା, ଆହ୍ଲାବାଦ ଭଳି ସହରରେ ରେଳବାଇରେ ନିଯୁକ୍ତି ପାଇଁ ଯୁବକମାନେ ପ୍ରତିବାଦ କରିଛନ୍ତି। ମୋଦୀ ସରକାରଙ୍କ ଉପରେ ଆକ୍ରମଣ କରି ଅନେକ ସମୟରେ ଚାକିରୀ ଯୋଗାଇ ଦେଇ ନ ଥିବା ଅଭିଯୋଗ କରିଛନ୍ତି ବିରୋଧୀ। ବିଶେଷକରି ବିମୁଦ୍ରୀକରଣ, ଜିଏସଟି ଏବଂ ତାପରେ କରୋନାରେ ଅର୍ଥନୀତିର ଅଭିବୃଦ୍ଧି ହାରରେ ଖସିବା ହେତୁ ଘରୋଇ କ୍ଷେତ୍ରରେ ଚାକିରି ସୁଯୋଗ ଅଧିକ ସୃଷ୍ଟି ହେଉନାହିଁ। ଏଭଳି ପରିସ୍ଥିତିରେ ମୋଦୀ ସରକାରଙ୍କ ଏହି ଘୋଷଣା ଯୁବକମାନଙ୍କ ପାଇଁ ଏକ ବଡ଼ ଖବର।
ଗତ ବର୍ଷ ରାଜ୍ୟସଭାରେ ଏକ ପ୍ରଶ୍ନର ଉତ୍ତରରେ କେନ୍ଦ୍ର ମନ୍ତ୍ରୀ ଜିତେନ୍ଦ୍ର ସିଂ କହିଥିଲେ ଯେ ମାର୍ଚ୍ଚ ୧ ତାରିଖ ସୁଦ୍ଧା କେନ୍ଦ୍ର ସରକାରୀ ବିଭାଗରେ ଆଠ ଲକ୍ଷରୁ ଅଧିକ ପଦବୀ ଖାଲି ଅଛି। ଏଭଳି ପରିସ୍ଥିତିରେ ଏହା ସ୍ପଷ୍ଟ ଯେ ବର୍ତ୍ତମାନ ଏହି ସଂଖ୍ୟା ପ୍ରାୟ ୧୦ ଲକ୍ଷକୁ ବୃଦ୍ଧି ପାଇଥାନ୍ତା, ଯାହାଙ୍କ ଉପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ନିଯୁକ୍ତି ପାଇଁ ନିର୍ଦ୍ଦେଶ ଦେଇଛନ୍ତି।
