ଭୁବନେଶ୍ୱର: ଭୁବନେଶ୍ୱର ବିଜୁ ପଟ୍ଟନାୟକ ଅନ୍ତର୍ଜାତୀୟ ବିମାନବନ୍ଦରରେ ଏୟାର ଏସିଆର ଏକ ବିମାନ ଜରୁରୀ ଅବତରଣ କରିଛି । ବିମାନରେ ପକ୍ଷୀ ମାଡ଼ ହେବା ପରେ ଜରୁରୀ ଅବତରଣ କରାଯାଇଥିଲା ବୋଲି ଜଣାପଡ଼ିଛି ।
ସୂଚନା ଅନୁସାରେ, ଭୁବନେଶ୍ୱର ବିମାନବନ୍ଦରରୁ ପୁଣେ ଅଭିମୁଖେ ସନ୍ଧ୍ୟା ୫ଟାରେ ବିମାନ ଉଡ଼ାଣ ଭରିଥିଲା । ଉଡ଼ାଣର କିଛି ସମୟ ପରେ ପକ୍ଷୀ ମାଡ଼ ହେବାରୁ ଜରୁରୀକାଳୀନ ଅବତରଣ କରିଥିଲା ଏୟାର ଏସିଆର ବିମାନଟି ।
ବିମାନ ଅବତରଣ ପରେ ବିମାନବନ୍ଦରର ଗ୍ରାଉଣ୍ଡ ଓ ଟେକ୍ନିକାଲ୍ ଷ୍ଟାଫ୍ ଯାଞ୍ଚ କରିଥିଲେ । ତନଖି ପରେ ଜଣାପଡ଼ିଥିଲା ବଡ଼ କ୍ଷତି ହୋଇ ନଥିବା ଜଣାପଡ଼ିଥିଲା । କ୍ଲିଅରାନ୍ସ ମିଳିବାରୁ ୨ ଘଣ୍ଟା ପରେ ବିମାନଟି ପୁନେ ଅଭିମୁଖେ ପୁଣି ଯାଇଛି ।