ହାଇଦ୍ରାବାଦ: ହାଇଦ୍ରାବାଦର ରାଜୀବ ଗାନ୍ଧୀ କ୍ରିକେଟ ଷ୍ଟାଡ଼ିୟମରେ ଭାରତ ଓ ୱେଷ୍ଟଇଣ୍ଡିଜ ମଧ୍ୟରେ ଅନୁଷ୍ଠିତ ହେଉଥିବା ଟି-୨୦ ମ୍ୟାଚରେ ୱେଷ୍ଟଇଣ୍ଡିଜ୍ ପ୍ରଥମେ ବ୍ୟାଟିଂ କରି ୫ ୱିକେଟ ବିନିମୟରେ ୨୦୭ ରନ ସ୍କୋର କରିଛି । ଭାରତକୁ ଏହି ମ୍ୟାଚ ଜିତିବାକୁ ହେଲେ ନିର୍ଦ୍ଧାରିତ ୨୦ ଓଭରରେ ୨୦୮ ରନ କରିବାକୁ ହେବ ।
ୱେଷ୍ଟଇଣ୍ଡିଜ ବ୍ୟାଟ୍ସମ୍ୟାନ ହେଟମେୟର ୪୧ଟି ବଲରୁ ପ୍ରଶଂସନୀୟ ୫୬ ରନ କରିଥିବା ବେଳେ ଲୁଇସ୍ ବିସ୍ଫୋରକ ୪୦ ରନ ସଂଗ୍ରହ କରିଛନ୍ତି । ଲୁଇସ ମାତ୍ର ୧୭ଟି ବଲରେ ୪ଟି ଛକା ଓ ୩ଟି ଚୌକା ସହ ଏହି ରନ ସଂଗ୍ରହ କରିଛନ୍ତି । ହୋଲଡ଼ର୍ ୯ଟି ବଲରୁ ୨୪ ଏବଂ କପ୍ତାନ କିରଣ ପୋଲାର୍ଡ଼ ୩୭ ରନ ସଂଗ୍ରହ କରିଛନ୍ତି ।
Innings Break!
West Indies post a mammoth total of 207/5 on the board. Will #TeamIndia chase this down?#INDvWI pic.twitter.com/KUIaIx2IL2
— BCCI (@BCCI) December 6, 2019
ଭାରତୀୟ ବୋଲର୍ ଚହଲ୍ ୨ଟି ଓ ୱାଶିଂଟନ ସୁନ୍ଦର, ଚହର ଏବଂ ରବୀନ୍ଦ୍ର ଜାଡ଼େଜା ଗୋଟିଏ କରି ୱିକେଟ ହାସଲ କରିପାରିଛନ୍ତି ।
ଭାରତୀୟ ଦଳ: ବିରାଟ କୋହଲୀ (ଅଧିନାୟକ), ରୋହିତ ଶର୍ମା, ଲୋକେଶ ରାହୁଲ, ରିଷଭ ପନ୍ଥ, ୟୁଜବେନ୍ଦ୍ର ଚହଲ, ଶ୍ରେୟସ ଆୟାର, ମନୀଷ ପାଣ୍ଡେ, ରବୀନ୍ଦ୍ର ଜାଡ଼େଜା, ଶିବମ ଦୁବେ, ଭୁବନେଶ୍ୱର କୁମାର ଏବଂ ଦୀପକ ଚହର ।