ନୂଆଦିଲ୍ଲୀ: ୧୫ ଅଗଷ୍ଟ ୧୯୪୭ରେ ବ୍ରିଟିଶମାନଙ୍କ ଠାରୁ ଭାରତ ସ୍ଵାଧିନତା ହାସଲ କରିଥିଲା । କିନ୍ତୁ ଏହାର ଗୋଟିଏ ଦିନ ପୂର୍ବରୁ ଭାରତର ଏକ ଅଂଶ ଅଲଗା ହୋଇ ପାକିସ୍ତାନ ହୋଇଥିଲା । ଏହାର ଅର୍ଥ ହେଉଛି, ୧୯୪୭ ପୂର୍ବରୁ, ଭାରତ ସହିତ ଜଡିତ ସମସ୍ତ ଜିନିଷ ପାକିସ୍ତାନ ସହିତ ମଧ୍ୟ ଜଡିତ ଥିଲା | ଏବେ ପ୍ରଶ୍ନ ଉଠୁଛି କି ୧୯୪୭ ପୂର୍ବରୁ ଭାରତ ଇତିହାସରେ ରେକର୍ଡ ହୋଇଥିବା ସମସ୍ତ ଘଟଣାଗୁଡ଼ିକ ପାକିସ୍ତାନରେ ମଧ୍ୟ ଶିକ୍ଷା ଦିଆଯାଉଛି କି? ନାଁ ସେଠାରେ ଥିବା ଇତିହାସ ପୁସ୍ତକ ଗୁଡ଼ିକରେ ଆଉ କିଛି ଲେଖାଯାଇଛି । ଆସନ୍ତୁ ଜାଣିବା ସେ ବିଷୟରେ…
ପାକିସ୍ତାନୀ ବିଦ୍ୟାଳୟରେ ପଢାଯାଉଥିବା ଇତିହାସ ପୁସ୍ତକଗୁଡ଼ିକରେ, ୧୩ ଏବଂ ୧୬ ଶତାବ୍ଦୀର ଇତିହାସ ବିଷୟରେ ଏପରି ଜିନିଷ ଲେଖାଯାଇଛି ଯାହା ଆପଣ ପଢି ଆଶ୍ଚର୍ଯ୍ୟ ହେବେ । ଏମଡି ଜାଫରଙ୍କ ପୁସ୍ତକ ‘ଏ ଟେଷ୍ଟବୁକ୍ ଅଫ୍ ପାକିସ୍ତାନ ଷ୍ଟଡିଜ୍’ରେ ଲେଖା ହୋଇଛି,’ ୧୩ ଶତାବ୍ଦୀ ପର୍ଯ୍ୟନ୍ତ ସମଗ୍ର ଉତ୍ତର ଭାରତ ଏବଂ ବଙ୍ଗଳା ପାକିସ୍ତାନ ପରିସରରେ ଥିଲା।
ଆଲାଉଦ୍ଦିନ ଖିଲଜୀଙ୍କ ଶାସନରେ ପାକିସ୍ତାନର ପରିସର ଦକ୍ଷିଣକୁ ବିସ୍ତାର ହୋଇଥିଲା ଏବଂ ମଧ୍ୟ ଭାରତର ଏକ ବଡ଼ ଅଂଶ ମଧ୍ୟ ଏଥିରେ ଅନ୍ତର୍ଭୁକ୍ତ ହୋଇଥିଲା। ସେହିପରି ଷୋଡଶ ଶତାବ୍ଦୀର ଇତିହାସ ବିଷୟରେ ଲେଖାଯାଇଛି ଯେ, ଏହି ସମୟ ମଧ୍ୟରେ ଭାରତ ପ୍ରାୟ ଅଦୃଶ୍ୟ ହୋଇଯାଇଥିଲା ଏବଂ ସମ୍ପୂର୍ଣ୍ଣ ଭାବେ ପାକିସ୍ତାନରେ ମିଶି ଯାଇଥିଲା । ଆପଣଙ୍କୁ ହୁଏତ ଏସବୁ ପଢି ହସ ଲାଗୁଥାଇପାରେ, କିନ୍ତୁ ସେଠାକାର ବିଦ୍ୟାଳୟରେ ପିଲାମାନଙ୍କୁ ଏହି ଶିକ୍ଷା ଦିଆଯାଉଛି |
ସମଗ୍ର ବିଶ୍ୱ ଜାଣେ ଯେ ପାକିସ୍ତାନ ୧୪ ଅଗଷ୍ଟ ୧୯୪୭ରେ ସୃଷ୍ଟି ହୋଇଥିଲା। କିନ୍ତୁ ପାକିସ୍ତାନର ବିଦ୍ୟାଳୟରେ ଏହାକୁ ନେଇ ଏକ ମିଛ ତଥ୍ୟ ଉପସ୍ଥାପନା କରାଯାଉଛି । ସେଠାର ସ୍କୁଲରେ ପଢାଯାଉଥିବା ଏମଡି ଜାଫରଙ୍କ ପୁସ୍ତକ ‘ଏ ଟେଷ୍ଟବୁକ୍ ଅଫ୍ ପାକିସ୍ତାନ ଷ୍ଟଡିଜ୍’ରେ ଲେଖା ହୋଇଛି,’ ଯେତେବେଳେ ମହମ୍ମଦ ବିନ୍ କାସୀମ ସିନ୍ଧ ଏବଂ ମୁଲତାନକୁ ପରାସ୍ତ କରିଥିଲେ ସେତେବେଳେ ପାକିସ୍ତାନ ପ୍ରଥମେ ସୃଷ୍ଟି ହୋଇଥିଲା। ଏକାଦଶ ଶତାବ୍ଦୀର ଗଜନାଭି ସାମ୍ରାଜ୍ୟ ଆଜିର ପାକିସ୍ଥାନ ଏବଂ ଆଫଗାନିସ୍ତାନ ଥିଲା । ଏବଂ ଦ୍ୱାଦଶ ଶତାବ୍ଦୀରେ ଆଫଗାନିସ୍ତାନ ଗଜନାଭିଡମାନଙ୍କ ହାତରୁ ଚାଲିଗଲା ଏବଂ ସେମାନଙ୍କର ଶାସନ କେବଳ ପାକିସ୍ତାନ ପର୍ଯ୍ୟନ୍ତ ରହିଲା।
ଯେତେବେଳେ କି, ପାକିସ୍ତାନ ଅସ୍ତିତ୍ୱର ସତ୍ୟ ହେଉଛି ଏହି ନାମର ବିଚାର ପ୍ରଥମେ ଚୌଧୁରୀ ରହମତ ଅଲିଙ୍କ ମନକୁ ଆସିଥିଲା। ଚୌଧୁରୀ ରହମତ ଅଲି ୧୬ ନଭେମ୍ବର ୧୮୯୭ ରେ ପଞ୍ଜାବର ବାଲାଚାଉରରେ ଜନ୍ମଗ୍ରହଣ କରିଥିଲେ। ଅର୍ଥାତ୍ ୧୯୦୦ ପୂର୍ବରୁ ପାକିସ୍ତାନର କୌଣସି ଚିହ୍ନ ନଥିଲା । କିନ୍ତୁ ସେଠାରେ ଥିବା ବିଦ୍ୟାଳୟରେ ଶିକ୍ଷା ଦିଆଯାଉଛି ଯେ ଯେତେବେଳେ ମହମ୍ମଦ ବିନ୍ କାସୀମ ସିନ୍ଧ ଏବଂ ମୁଲତାନକୁ ପରାସ୍ତ କରିଥିଲେ ସେତେବେଳେ ଏହା ସୃଷ୍ଟି ହୋଇଥିଲା।