ଭବାନୀପାଟଣା: କଳାହାଣ୍ଡି ଜିଲ୍ଲା ମଦନପୁର ରାମପୁର ବ୍ଲକ ମୋହନଗିରି ସାପ୍ତାହିକ ବଜାରରେ ଆଜି ସିବିଲ ପୋଲିସ ଓ ମାଓବାଦୀ ମଧ୍ୟରେ ଗୁଳି ବିନିମୟ ହୋଇଛି । ଏଥିରେ ୩ ମାଓବାଦୀଙ୍କ ମୃତ୍ୟ ହୋଇଥିବା ଜଣାପଡିଛି ।
ସୂଚନା ଅନୁଯାୟୀ, ଆଜି ସିପିଆଇ ମାଓବାଦୀ ଓଡିଶା କମିଟି ୫ ଜଣ ମାଓବାଦୀ ମୋହନଗିରି ସାପ୍ତାହିକ ହାଟକୁ ବଜର କରିବାକୁ ଆସିଥିଲେ । ଏହି ପରିସ୍ଥିତିରେ ପୋଲିସ ସିଭିଲ ଡ୍ରେସରେ ସାପ୍ତାହିକ ହାଟରେ ବୁଲୁଥିଲେ । ତେବେ ପୋଲିସକୁ ଦେଖି ପ୍ରଥମେ ମାଓବାଦୀ ମାନେ ଏକେ ୪୭ରେ ଗୁଳି ଚଳାଇ ଥିଲେ । ହାଟ ଭିଡରେ ପଳାଇବାରେ ସଫଳ ହୋଇଥିଲେ ।
ତେବେ ପୋଲିସ ପକ୍ଷରୁ ମାଓବାଦୀଙ୍କୁ ପିଛା କରି ତାପ ରେଙ୍ଗ -ଲୁବେନଗଡ଼ରେ ପୋଲିସ ୩ ମାଓବାଦୀଙ୍କୁ ମାରିବାରେ ସଫଳ ହୋଇଥିବା ବେଳେ ଜଣକୁ ଗିରଫ କରିଛନ୍ତି। ତେବେ ଜଣେ ସେଠାରୁ ପଳାଇବାରେ ସଫଳ ହୋଇଥିବା ଜଣା ପଡିଛି । ଅନ୍ୟପକ୍ଷେ ମାଓବାଦୀଙ୍କ ଗୁଳିରେ ଜଣେ ପୋଲିସ ଡ଼ିଏସପି ଆହତ ହୋଇଛନ୍ତି । ଗୁରୁତର ଅବସ୍ଥାରେ ପ୍ରଥମେ ତାଙ୍କୁ ମଦନପୁର ରାମପୁର ମେଡିକାଲ ଓ ପାରେ ବଲାଙ୍ଗିର ସ୍ଥାନାନ୍ତର କରାଯାଇଥିବା ଜଣାପଡିଛି । ପୋଲିସ ଗୋଟିଏ ଏକେ-୪୭ ବନ୍ଧୁକ ଜବତ କରିଛି । ସ୍ଥାନୀୟ ଅଞ୍ଚଳରେ କୁମ୍ବିଙ୍ଗକୁ ଜୋରଦାର କରାଯାଇଛି ।