ଗୁଣୁପୁର : କଡ଼ା ସୁରକ୍ଷା ମଧ୍ୟରେ ଗୁଣୁପୁର କୋର୍ଟରେ ହାଜର ହେଲେ ଦୁଇ ମାଓ ନେତା । ମାଓନେତା ହେଲେ ସବ୍ୟସାଚୀ ପଣ୍ଡା ଓ ଉଦୟଙ୍କୁ କୋର୍ଟରେ ହାଜର କରିଛି ପୋଲିସ । ସବ୍ୟସାଚୀ ପଣ୍ଡାଙ୍କୁ ଦୁଇ ଦିନରେ ୧୫ଟି ମାମଲାରେ ହାଜର କରାଯାଇଥିଲା । ସେଥି ମଧ୍ୟରୁ ଡିମିରିଗୁଡାରେ ଚାଷ ଜମିରୁ ଜବରଦସ୍ତି ଚାଷୀଙ୍କ ଧାନ କାଟି ନେଇଯାଇଥିବା ଘଟଣାରେ ଆଜି ୨ ଜଣଙ୍କ ସାକ୍ଷ୍ୟ ଗ୍ରହଣ କରାଯାଇଛି । ସେହିଭଳି ଉଦୟକୁ ଗୋଟିଏ ମାମଲାରେ ଏଡିଜେ କୋର୍ଟରେ ହାଜର କରାଯାଇଛି । ଗୁଣୁପୁର ବୈଷୟିକ ଯାନ୍ତ୍ରିକ ବିଶ୍ବ ବିଦ୍ୟାଳୟରୁ ଚାନ୍ଦା ମାଗିବା ଘଟଣାରେ କୋର୍ଟରେ ଉଦୟକୁ ହାଜର କରାଯାଇଥିଲା । ଡିସେମ୍ବର ୬ ତାରିଖରେ ମାମଲାର ପରବର୍ତ୍ତି ଶୁଣାଣି ହେବ ।
Comments are closed.