ଭୁବନେଶ୍ୱର: ସମସ୍ତେ ଚାହାଁନ୍ତି ନିଜ ଘରକୁ ସୁନ୍ଦର ରଖିବା ପାଇଁ । ଏଥିପାଇଁ ନିଜ ଘର ଅଗଣା ଓ ବାଲକୋନିରେ ନାନା ରଙ୍ଗ ବେରଙ୍ଗର ଫୁଲ ଲଗାଇ ଏହାର ସୁନ୍ଦରତାକୁ ଦ୍ୱିଗୁଣିତ କରିବାକୁ ସବୁ ପ୍ରକାର ଚେଷ୍ଟା କରିଥାନ୍ତି । ଅନେକ ସମୟରେ ଫୁଲ ଓ ପତ୍ର ଶୁଖି ବାଲକୋନିରେ ଝାଉଁଳି ପଡିଥାଏ । ଫଳରେ ବାଲକୋନି ଗାର୍ଡେନର ସୁନ୍ଦରତା ନଷ୍ଟ ହୋଇଯାଏ ।
ଯଦି ଆପଣ ଚାହୁଁଛନ୍ତି ଆପଣଙ୍କ ବାଲକୋନିର ଶୋଭା ନଷ୍ଟ ନହେଉ ତେବେ ଆପଣାନ୍ତୁ କିଛି ଉପାୟ…
![]()
ସୀମିତ ଛୋଟ ଛୋଟ ଫୁଲ କୁଣ୍ଡ-
ସୀମିତ ଛୋଟ ଛୋଟ ଫୁଲ କୁଣ୍ଡ-ନିଜର ବାଲକୋନିକୁ ସୁନ୍ଦର ରଖିବା ପାଇଁ ସୀମିତ ସଂଖ୍ୟାରେ ଛୋଟ-ଛୋଟ ଫୁଲ କୁଣ୍ଡ ରଖନ୍ତୁ । ଆବଶ୍ୟକତା ଠାରୁ ଅଧିକ କୁଣ୍ଡ ରଖିବା ଦ୍ୱାରା ବାଲକୋନିରେ ସ୍ଥାନର ଅଭାବ ଦେଖା ଦେଇଥାଏ । ଏହା ସହିତ ଗଛ ଠିକ୍ ଭାବରେ ବଢି ପାରେ ନାହିଁ । ଏହି ପରିସ୍ଥିତିରେ ଗଛ ଗୁଡିକର ନିଜର ବାସ୍ତବିକ ବୃଦ୍ଧି ଘଟିନଥାଏ । ଏହିପରି ଅନେକ ଛୋଟ କୁଣ୍ଡ ଗୁଡିକୁ ବାଲକୋନିରେ ରଖିବା ଅପେକ୍ଷା ଅଳ୍ପ ସଂଖ୍ୟକ ବଡ କୁଣ୍ଡ ରଖନ୍ତୁ, ଏହା ଦ୍ୱାରା ଗଛ ଗୁଡିକ ଠିକ୍ ଭାବରେ ବଢିବା ସହ ଉପଯୁକ୍ତ ଜାଗା ମିଳିଯାଏ ।
ସଠିକ୍ କୁଣ୍ଡର ଚୟନ-
କୁଣ୍ଡମାନଙ୍କର ଚୟନ ନିତ୍ୟାନ୍ତ ଜରୁରୀ କାରଣ ଗଛଟିକୁ ଥରେ ଲଗାଇବା ପରେ କୁଣ୍ଡ ଅନୁସାରେ ହିଁ ଏହା ବଢିଥାଏ । ଚଉଡା କୁଣ୍ଡରେ ଗଛ ଭଲ ବଢିଥାଏ । ଧ୍ୟାମ ରଖନ୍ତୁ, କୁଣ୍ଡର ତଳ ପାଶ୍ୱର୍ରେ ଛିଦ୍ର ରହିବା ଜରୁରୀ । ଏହା ଦ୍ୱାରା କୁଣ୍ଡର ଅତିରିକ୍ତ ଜଳ ସହଜରେ ନିଷ୍କାସିତ ହୋଇପାରିବ । ଏଥି ସହିତ କୁଣ୍ଡରେ ଭରା ଯାଉଥିବା ମାଟି ଗଛ ଅନୁଯାୟୀ ଥିବା ଦରକାର । କୁଣ୍ଡରେ ମାଟି ହାଲୁକା ଭାବେ ଭରାଯିବା ଜରୁରୀ ।
ସଠିକ୍ ବୃକ୍ଷରୋପଣ-
ବାଲକୋନିକୁ ସୁନ୍ଦର ରଖିବା ପାଇଁ ସଠିକ୍ ଗଛ ମାନଙ୍କର ଚୟନ କରିବା ଜରୁରୀ । ଏଥିପାଇଁ ପୂର୍ବରୁ ନିଜ ବାଲକୋନିର ଆକାର ବିଷୟରେ ସଠିକ୍ ଭାବରେ ନିରୀକ୍ଷଣ କରି ନର୍ସରୀରୁ ଗଛ କିଣିବା ଉଚିତ୍ । ଗଛଟି କିଣିବା ପୂର୍ବରୁ ତାର ଗୁଣ ବିଷୟରେ ଅବଗତ ହେବା ଆବଶ୍ୟକ । ଯଦି ଆପଣଙ୍କ ବାଲକୋନିରେ ଅଧିକ ପରିମାଣରେ ଖରା ପଡୁଥିବ ତେବେ ସେଠି ଛାୟା ଦରକାର କରୁଥିବା ଗଛ ଲଗାଇବା ଅନୁଚିତ । ଏଥିପାଇଁ ପରିବେଶକୁ ସୁହାଉଥିବା ଗଛ ଲଗାଇବା ଉଚିତ ।
ଜଳର ସଠିକ୍ ଅନୁପାତ-
ଗଛଟି ଲଗାଇବା ପରେ ସେଥିରେ ପାଣି ଦେବା ଏକ ନିୟମିତ ପକ୍ରିୟା । ଏଥିପାଇଁ ଜଳର ପରିମାଣ ପ୍ରତି ଧ୍ୟାନ ଦେବା ଆବଶ୍ୟକ । ଯଦି ଜଳର ପରିମାଣ ଅଧିକ ହୁଏ ତେବେ ଏହାର ମୂଳ ନଷ୍ଟ ହୋଇଯାଏ ଓ ଜଳର ପରିମାଣ କମିଲେ ଗଛଟି ଶୁଖି ମରିଯିବାର ଆଶଙ୍କା ରହିଥାଏ ।
କୀଟନାଶକର ଚୟନ-
ଅନେକ ସମୟରେ ଗଛରେ ରୋଗ ପୋକ ଦେଖା ଦେଇଥାଏ । ଏଥିପାଇଁ ଗଛକୁରୋଗ ପୋକରୁ ରକ୍ଷା କରିବା ପାଇଁ କୀଟନାଶକର ପ୍ରୟୋଗ ନିତ୍ୟାନ୍ତ ଅବଶ୍ୟକ । ଏଥିପାଇଁ ସଠିକ୍ କୀଟନାଶକର ପ୍ରୟୋଗ କରିବା ଉଚିତ୍ ନହେଲେ ଗଛଟି ମରିଯିବାର ଆଶଙ୍କା ରହିଛି ।