ଭୁବନେଶ୍ୱର: କରୋନା ମହାମାରୀ ପରେ ଚଳଚଂଚଳ ହୋଇଉଠିଛି ଓଲିଉଡ ଜଗତ । ପାଇପଲାଇନରେ ରହିଛି ଗୋଟିଏ ପରେ ଗୋଟିଏ ମୁଭି । ଏହି ଧାରାରେ ସାମିଲ ହୋଇ ଆଉ ଏକ ଭିନ୍ନ ସ୍ୱାଦର ଫିଲ୍ମର ସୁଟିଂ ଖୁବଶୀଘ୍ର ଆରମ୍ଭ ହେବାକୁ ଯାଉଛି ।
ଆଗକୁ ଆସୁଛି ଓଲିଉଡ ଫିଲ୍ମ ତୁ ସେଇ ନୀଳନୟନା । ସଚ୍ଚିକାନ୍ତ ଜେନାଙ୍କ ପ୍ରଯୋଜିତ ଏହି ଫିଲ୍ମର ସୁଟିଂ ସେପ୍ଟେମ୍ବର ମାସଠୁ ଆରମ୍ଭ ହେବାର ଯୋଜନା ରହିଛି । ମୁନ୍ ଟିଭି ବ୍ୟାନର ତଳେ ନିର୍ମିତ ହେବାକୁ ଥିବା ଏହି ଫିଲ୍ମରେ ଅଭିନେତା ସମ୍ବିତ ଓ ଅଭିନେତ୍ରୀ ଲିପିକା ମୁଖ୍ୟ ଭୂମିକାରେ ନଜର ଆସିବେ ।
ଅନ୍ୟପଟେ ନବାଗତା ଭାବେ ମଡେଲ ଇଗ୍ମା ପ୍ରଥମଥର ପାଇଁ ଦର୍ଶକଙ୍କ ସାମ୍ନାକୁ ଆସିବେ । ଫିଲ୍ମର ନିର୍ଦ୍ଦେଶନା ଭାର ତିରୁପତି ସମ୍ଭାଳିଥିବାବେଳେ ସଙ୍ଗୀତ ନିର୍ଦ୍ଦେଶନା ଦେବେ ଓଲିଉଡର ମ୍ୟୁଜିକ୍ ସାଇଣ୍ଟିଷ୍ଟ ପ୍ରେମାନନ୍ଦ । ସେହିଭଳି ଚିତ୍ରନାଟ୍ୟ ଓ ସଂଳାପ ରଚନା କରିଛନ୍ତି ଡ.ରଜନୀରଂଜନ । ଖୁବଶୀଘ୍ର ଓଡିଶା ଓ ବାହାର ରାଜ୍ୟରେ ଫିଲ୍ମର ସୁଟିଂ ଆରମ୍ଭ ହେବା ନେଇ ସୂଚନା ଦେଇଛନ୍ତି କ୍ରିିଏଟିଭ୍ ହେଡ୍ ପ୍ରଣୟ ଜେଠୀ ।
Comments are closed.