ରାଜକୋଟ: ସୂର୍ଯ୍ୟକୁମାର ଯାଦବଙ୍କ ବିସ୍ଫୋରକ ବ୍ୟାଟିଂ ପଛର ରହସ୍ୟ ଏବେ ଖୋଲିଛି । ୩୦ ବର୍ଷ ବୟସରେ ଭାରତୀୟ ଦଳରେ ସ୍ଥାନ ପାଇବା ମୋ ଆନ୍ତର୍ଜାତୀୟ ସଫଳତା ଭୋକକୁ ବଢ଼େଇ ଦେଇଥିଲା । ତେବେ ଏହି ସଫଳତା ପଛରେ ମୋ ପତ୍ନୀ ଏବଂ କୋଚ ରାହୁଲ ଦ୍ରାବିଡଙ୍କ ଭୂମିକା ଗୁରୁତ୍ୱପୂର୍ଣ୍ଣ ଥିଲା । ଭାରତ ଏ ପକ୍ଷରୁ ଖେଳିବା ବେଳେ ଦ୍ରାବିଡ ମୋ ଭିତରେ ଥିବା ଭୋକ ଜାଣି ପାରିଥିଲେ । ସେ ଫିଟନେସ ପ୍ରତି ଧ୍ୟାନ ଦେବା ପାଇଁ ମୋତେ ପରାମର୍ଶ ଦେଇଥିଲେ । ମୋ ପରିବାର ଲୋକ ଖେଳ ପ୍ରତି ବେଶି ଜଡିତ ନ ଥିଲେ । ମୋତେ ସେମାନଙ୍କଠାରୁ ଅଲଗା ହେବାକୁ ପଡିଥିଲା । ସବୁଠାରୁ ଅଧିକ ତ୍ୟାଗ ମୋ ପତ୍ନୀ କରିଛନ୍ତି । ବିସିସିଆଇ ଦ୍ୱାରା ଆୟୋଜିତ ଏକ କାର୍ଯ୍ୟକ୍ରମରେ ସୂର୍ଯ୍ୟକୁମାର ଓ ଦ୍ରାବିଡ ପରସ୍ପର ସହ ଏ ନେଇ ଆଲୋଚନା କରିଥିଲେ ।
ଦ୍ରାବିଡ କହିଥିଲେ ମୋତେ ଲାଗୁନି ତୁମେ ମୋ ଖେଳ ଦେଖି ବଡ ହୋଇଥିବ । ସୂର୍ଯ୍ୟକୁମାର ପ୍ରଥମେ ହସିଥିଲେ, ତା ପରେ କହିଥିଲେ ନାଁ ନାଁ ମୁଁ ଆପଣଙ୍କ ଖେଳ ବହୁତ ଦେଖେ । ସୂର୍ଯ୍ୟଙ୍କ କହିବା ଅନୁସାରେ ମୁଁ ଏବେ ମୋ ଖେଳକୁ ଉପଭୋଗ କରୁଛି । ଯେତେ ଦିନ ପର୍ଯ୍ୟନ୍ତ ଏହା ଚାଲୁଥିବ ତାହା କରୁଥିବି । ମୋ ପ୍ରଦର୍ଶନ ବଳରେ ଯଦି ଟିମ ଜିତୁଛି ତାହାହେଲେ ମୋଠାରୁ ଭାଗ୍ୟବାନ କିଏ ହେବ ବୋଲି ସେ କହିଛନ୍ତି ।
Comments are closed.