ଭୁବନେଶ୍ୱର: କରୋନା ଭୂତାଣୁ ସଂକ୍ରମଣକୁ ରୋକିବାରେ ଓଡ଼ିଶା ପୋଲିସର ନିରନ୍ତର ସେବା ଲାଗି ‘କରୋନା ଯୋଦ୍ଧା’ ମାନଙ୍କୁ ଭାରତୀୟ ନୌବାହିନୀ ପକ୍ଷରୁ ପ୍ରଶଂସା କରିବା ସହିତ ଧନ୍ୟବାଦ ଅର୍ପଣ କରାଯାଇଛି ।
ଓଡ଼ିଶାରେ ଥିବା ଭାରପ୍ରାପ୍ତ ନୌସେନା ଅଧିକାରୀ (ଏନଓଆଇସି) ଓଡ଼ିଶାରେ କାର୍ଯ୍ୟରତ ସମସ୍ତ କରୋନା ଯୋଦ୍ଧାଙ୍କୁ ପ୍ରଶଂସା କରିବା ସହିତ ଓଡ଼ିଶା ପୋଲିସର ପ୍ରଶଂସନୀୟ କାର୍ଯ୍ୟ ଲାଗି ଧନ୍ୟବାଦ ଜଣାଇଛନ୍ତି ।
ଆଇଏନଏସ ଚିଲିକାର କମାଣ୍ଡର ତ୍ରିଲୋଚନ ରାଉତ, ଏକଜିକ୍ୟୁଟିଭ୍ ଅଫିସର ଲେଫଟନାଣ୍ଟ ସରୋଜ ଠାକରନ୍ ଏହି ପ୍ରଶଂସନୀୟ କାର୍ଯ୍ୟ ଲାଗି ଓଡ଼ିଶା ପୋଲିସକୁ ଧନ୍ୟବାଦ ଜ୍ଞାପନ କରିଛନ୍ତି । ଏହି ଅବସରରେ ବାଲୁଗାଁ ଥାନା ଏସଡ଼ିପିଓ ସୁରେଶ କୁମାର ଦାଶଙ୍କୁ ଭାରତୀୟ ନୌବାହିନୀ ପକ୍ଷରୁ ଶୁଭେଚ୍ଛା ଜଣାଇଛନ୍ତି ।
ନୌବାହିନୀ ପକ୍ଷରୁ ମାସ୍କ ଓ ସାନିଟାଇଜର୍ ପ୍ରଦାନ କରାଯାଇଛି ।
Comments are closed.