କୋଝିକୋଡ: କେରଳର କୋଝିକୋଡଠାରେ ଏୟାର ଇଣ୍ଡିଆ ଏକ୍ସପ୍ରେସ ବିମାନ ଦୁର୍ଘଟଣା ଖବର ଅତ୍ୟନ୍ତ ଦୁଃଖଦାୟକ ବୋଲି ଟ୍ୱିଟ୍ କରିଛନ୍ତି ଗୃହମନ୍ତ୍ରୀ ଅମିତ ଶାହ । ଯଥାଶୀଘ୍ର ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟରେ ସହାୟତା କରିବାକୁ ସେ ଏନଡିଆରଏଫ୍କୁ ନିର୍ଦ୍ଦେଶ ଦେଇଥିବା ଟ୍ୱିଟ୍ରେ ଉଲ୍ଲେଖ କରିଛନ୍ତି ।
Distressed to learn about the tragic accident of Air India Express aircraft in Kozhikode, Kerala.
Have instructed NDRF to reach the site at the earliest and assist with the rescue operations.
— Amit Shah (@AmitShah) August 7, 2020
ବେସାମରିକ ବିମାନ ଚଲାଚଳ ମହାନିର୍ଦ୍ଦେଶକ(ଡିଜିସିଏ)ଙ୍କ ସୂଚନା ଅନୁସାରେ ୧୯୧ ଯାତ୍ରୀଙ୍କୁ ନେଇ ଦୁବାଇରୁ କୋଝିକୋଟ(କାଲିକଟ୍) ଆସୁଥିବା ଏୟାର ଇଣ୍ଡିଆ ଏକ୍ସପ୍ରେସ୍ ଏଏକ୍ସବି ୧୩୪୪, ବି ୭୩୭ ବିମାନ ପ୍ରବଳ ବର୍ଷାରେ ଅବତରଣ କରିଥିଲା । ତେବେ ଅବତରଣ ସମୟରେ ରନୱେରୁ ଆଗକୁ ଗଡିଯାଇ ଖାଲରେ ଖସି ପଡି ଦୁଇ ଖଣ୍ଡ ହୋଇଯାଇଥିଲା ।
ସୂଚନା ଅନୁସାରେ ବିମାନରେ ଦୁଇ ଜଣ ପାଇଲଟଙ୍କ ସମେତ ୬ ଜଣ କର୍ମଚାରୀ ଥିଲେ । ଏଥି ମଧ୍ୟରୁ ଜଣେ ପାଇଲଟଙ୍କ ଏହି ଦୁର୍ଘଟଣାରେ ମୃତ୍ୟୁ ହୋଇଥିବା ଅସମର୍ଥିତ ସୂତ୍ରରୁ ସୂଚନା ମିଳିଛି ।