ନୂଆଦିଲ୍ଲୀ: ପୁଣି ସ୍ଥଗିତ ହେଲା ଭାରତୀୟ ମହାକାଶଚାରୀ ଶୁଭାଂଶୁ ଶୁକ୍ଳାଙ୍କ ମହାକାଶ ଯାତ୍ରା। କିଛି ଘଣ୍ଟାର ଅପେକ୍ଷା ଥିଲା। କାଉଣ୍ଟଡାଉନ୍ ଆରମ୍ଭ ହୋଇଥିଲା। ହେଲେ ପୁଣି ଅଟକିଲା ଆକ୍ସିଓମ୍ ମିଶନ୍-୪ । ‘ଷ୍ଟେଟିକ୍ ଫାୟର’ ପରୀକ୍ଷଣ ପରେ ବୁଷ୍ଟର ଯାଞ୍ଚ ବେଳେ ଲିକ୍ୟୁଇଡ୍ ଅକ୍ସିଜେନ୍ (LOx) ଲିକ୍ ହୋଇଥିଲା । ତେଣୁ ଅନିର୍ଦ୍ଧିଷ୍ଟକାଳ ପାଇଁ ବହୁପ୍ରତୀକ୍ଷିତ ଆକ୍ସିଓମ୍-୪ ମିଶନ୍କୁ ସ୍ଥଗିତ ରଖାଯାଇଛି। ଏନେଇ ଘୋଷଣା କରିଛି ସ୍ପେସଏକ୍ସ।
ସ୍ପେସ୍ଏକ୍ସ ଘୋଷଣା କରିଛି ଯେ ପୋଷ୍ଟ-ଷ୍ଟାଟିକ୍ ବୁଷ୍ଟର ଯାଞ୍ଚ ସମୟରେ ଏହା ତରଳ ଅମ୍ଳଜାନ ଲିକ୍ ହେଉଥିବା ଜାଣିପାରିଛି ଏବଂ ଏହାକୁ ମରାମତି କରିବା ପାଇଁ, ଆକ୍ସିଅମ୍-୪ ମିଶନର ଫାଲକନ୍-୯ ରକେଟ୍ର ଉତକ୍ଷେପଣ ବର୍ତ୍ତମାନ ପାଇଁ ସ୍ଥଗିତ ରଖାଯାଇଛି। ଆଜି (ବୁଧବାର) ସନ୍ଧ୍ୟା ୫.୩୦ରେ ମହାକାଶ ଯାତ୍ରା କରିଥାନ୍ତି ଭାରତର ଗ୍ରୁପ୍ କ୍ୟାପ୍ଟେନ୍ ଶୁଭାଂଶୁ ଶୁକ୍ଲା ଓ ତାଙ୍କ ଟିମ୍ । ନାସା ଓ ସ୍ପେସ୍ଏକ୍ସର ‘ଆକ୍ସିଓମ୍-୪’ ମିଶନରେ ଶୁଭାଂଶୁ ଓ ତାଙ୍କର ୩ ସାଥୀ ସ୍ପେସ୍ଏକ୍ସ ଡ୍ରାଗନ୍ରେ ଅନ୍ତର୍ଜାତୀୟ ମହାକାଶ ଷ୍ଟେସନ୍କୁ ଯାତ୍ରା କରିଥାନ୍ତେ।
ସ୍ପେସ୍ ଷ୍ଟେସନ୍ରେ ୧୪ ଦିନର ରହଣିରେ ଏହି ନକ୍ଷତ୍ରବିଜ୍ଞାନୀମାନେ ୬୦ ବୈଜ୍ଞାନିକ ଅଧ୍ୟୟନ ଓ ଗତିବିଧିରେ ଭାଗ ନେଇଥାନ୍ତେ । ଆକ୍ସିଓମ୍ ମହାକାଶ ମିଶନରେ ହେବାକୁ ଯାଉଥିବା ଏହା ଏପର୍ଯ୍ୟନ୍ତର ସର୍ବାଧିକ ଅଧ୍ୟୟନ ହେବ । ହେଲେ ପୁଣି ଅନିର୍ଦ୍ଧିଷ୍ଟକାଳ ପାଇଁ ମିଶନ୍ରେ ବ୍ରେକ୍ ଲାଗିଛି। ଫାଲକନ୍ ୯ ଉତକ୍ଷେପଣ ଯାନର ବୁଷ୍ଟର ପର୍ଯ୍ୟାୟର କାର୍ଯ୍ୟଦକ୍ଷତା ଯାଞ୍ଚ କରିବା ପାଇଁ ଲଞ୍ଚ ପ୍ୟାଡରେ ସାତ ସେକେଣ୍ଡର ଏକ ଗରମ ପରୀକ୍ଷଣ କରାଯାଇଥିଲା। ପରୀକ୍ଷଣ ସମୟରେ, ପ୍ରପଲ୍ସନ ବେରେ LOX ଲିକେଜ୍ ଚିହ୍ନଟ ହୋଇଥିଲା।
Axiom ଏବଂ SpaceX ର ବିଶେଷଜ୍ଞଙ୍କ ସହିତ ISRO ଦ୍ୱାରା ଏହି ବିଷୟ ଉପରେ ଆଲୋଚନା ଉପରେ ଆଧାର କରି ଉତକ୍ଷେପଣ ପାଇଁ ଅନୁମୋଦନ ଦେବା ପୂର୍ବରୁ ଲିକକୁ ଠିକ୍ କରିବା ଏବଂ ଆବଶ୍ୟକୀୟ ଯାଞ୍ଚ ପରୀକ୍ଷା କରିବା ପାଇଁ ନିଷ୍ପତ୍ତି ନିଆଯାଇଛି। ତେଣୁ ପ୍ରଥମ ଭାରତୀୟ ଗଗନଯାନକୁ ଅନ୍ତର୍ଜାତୀୟ ମହାକାଶ ଷ୍ଟେସନକୁ ପଠାଇବା ପାଇଁ ୧୧ ଜୁନ୍ ୨୦୨୫ ରେ ପ୍ରସ୍ତାବିତ Axiom 04 ର ପ୍ରକ୍ଷେପଣକୁ ସ୍ଥଗିତ ରଖାଯାଇଛି।
Comments are closed.