ଜୟପୁର: କରୋନା ମହାମାରୀ ଆଳରେ ଅଭିନବ ଉପାୟରେ ଗଂଜେଇ ଚାଲାଣ । ଅକ୍ସିଜେନ୍ ସିଲିଣ୍ଡର ବୋଝେଇ ଗାଡିରେ ହେଉଥିଲା ଗଂଜେଇ ଚୋରା ଚାଲାଣ । ଅନ୍ୟ କେଉଁ ରାଜ୍ୟ ନୁହେଁ ବରଂ ଓଡିଶାରେ ସାମ୍ନାକୁ ଆସିଛି ଗଂଜେଇ ବେପାରୀଙ୍କ ଏପରି ଅଭିନବ ଅପରାଧିକ କାରନାମା ।
ଆଜି କୋରାପୁଟ ଜିଲ୍ଲା ଜୟପୁରରେ ସଦର ପୋଲିସ ୧୨ ଶହ ୭୭ କି.ଗ୍ରା ଗଂଜେଇ ଜବତ କରିଛି । ଜାଣି ଚକିତ ହେବେ ଅକ୍ସିଜେନ୍ ସିଲିଣ୍ଡର ବୋଝେଇ ଟ୍ରକରେ ହେଉଥିଲା ଗଂଜେଇ ଚାଲାଣ । ଅଚାନକ ଚେକିଂ ବେଳେ କିମ୍ବା ବିଶ୍ୱସ୍ତ ସୁତ୍ରରୁ ଖବର ପାଇ ସଦର ପୋଲିସ ଗଂଜେଇ ସହ ଟ୍ରକକୁ ଜବତ କରିଥିବା ଅନୁମାନ କରାଯାଉଛି ।
In another major breakthrough, #Jeypore_Sadar_Police seized a huge cache of Ganja weighing around 1277 kgs concealed by oxygen cylinders. Also seized one Truck & arrested two accused persons with reference to PS case no. 104 dt. 12.06.2021 U/ S 20(b)(ii)(C) NDPS Act.@DGPOdisha pic.twitter.com/HopB7e0huL
— Koraput Police (@SPkoraput) June 12, 2021
ଗାଡିଟି ପଂଜାବରେ (PB-10-ES-4611) ପଂଜିକୃତ ହୋଇଥିଲାବେଳେ ଗଂଜେଇ କେଉଁଠିକୁ ଚାଲାଣ ହେଉଥିଲା ସେ ସମ୍ଭନ୍ଧରେ ତଥ୍ୟ ମିଳିପାରିନାହିଁ । ତେବେ ଏହି ଘଟଣାରେ ପୋଲିସ ଦୁଇଜଣଙ୍କୁ ଗିରଫ କରିଥିବା ସୂଚନା ରହିଛି ।