ନୂଆଦିଲ୍ଲୀ: ଏଣିକି ହ୍ୱାଟ୍ସଆପ୍ରେ ଚାଟ୍ ଏବଂ ଭିଡିଓ କଲ ସହ ଟଙ୍କା ମଧ୍ୟ ପଠାଇପାରିବେ। ଏ ନେଇ ନ୍ୟାସନାଲ ପେମେଣ୍ଟ କର୍ପୋରେସନ୍ ଅଫ୍ ଇଣ୍ଡିଆ (ଏନପିସିଆଇ) ଗୁରୁବାର ହ୍ୱାଟ୍ସଆପ୍କୁ ଅନୁମତି ଦେଇଛି ଏବଂ ଆଜିଠାରୁ ଏହି ସୁବିଧା ଉପଲବ୍ଧ ହେବ ବୋଲି ହ୍ୱାଟ୍ସଆପ୍ ଏକ ବିବୃତ୍ତିରେ କହିଛି।
ଭାରତର ଦଶଟି ଆଞ୍ଚଳିକ ଭାଷାରେ ହ୍ୱାଟ୍ସଆପ୍ରେ ଆପ୍ ପେମେଣ୍ଟ ଉପଲବ୍ଧ ହେବ। ଯଦି ଆପଣଙ୍କର ହ୍ୱାଟ୍ସଆପ୍ରେ ଆପ୍ରେ ପୂର୍ବରୁ ଏକ ପେମେଣ୍ଟ ବିକଳ୍ପ ଅଛି, ତେବେ ଆପଣ ଏହାକୁ ବ୍ୟବହାର କରିପାରିବେ। ଯଦି ସେଭଳି କୌଣସି ସୁବିଧା ନାହିଁ ତେବେ ଆପଣ ହ୍ୱାଟ୍ସଆପ୍ରେ ଆପ୍ ଅପଡେଟ୍ କରି ନୂତନ ପେମେଣ୍ଟ ବିକଳ୍ପ ପାଇ ପାରିବେ। ହ୍ୱାଟ୍ସଆପ୍ରେ ଆପ୍ ପେମେଣ୍ଟ ବ୍ୟବହାର କରିବା ପାଇଁ ଗ୍ରାହକଙ୍କ ପାଖରେ ଏକ ଡେବିଟ୍ କାର୍ଡ ରହିବା ଜରୁରୀ, ଯାହାକି ୟୁପିଆଇକୁ ସମର୍ଥନ କରେ। ଆପଣ ହ୍ୱାଟ୍ସଆପ୍ରେ ଆପ୍ ପେମେଣ୍ଟ ବିକଳ୍ପକୁ ଯାଇ ବ୍ୟାଙ୍କ ଚୟନ କରି ସବିଶେଷ ତଥ୍ୟ ପ୍ରବେଶ କରି ଏହାକୁ ସକ୍ରିୟ କରିପାରିବେ।
ପେମେଣ୍ଟ ସେବା ପାଇଁ ହ୍ୱାଟ୍ସଆପ୍ରେ ଆପ୍ ପାଞ୍ଚଟି ବଡ ବ୍ୟାଙ୍କ ସହିତ ସହଭାଗିତା କରିଛି। ଏଥିମଧ୍ୟରେ ଆଇସିଆଇସିଆଇ ବ୍ୟାଙ୍କ, ଏଚଡିଏଫସି ବ୍ୟାଙ୍କ, ଆକ୍ସିସ ବ୍ୟାଙ୍କ, ଏସବିଆଇ ଏବଂ ଜିଓ ପେମେଣ୍ଟ ବ୍ୟାଙ୍କ ଅନ୍ତର୍ଭୁକ୍ତ। ହ୍ୱାଟ୍ସଆପ୍ରେ ଆପ୍ ପେମେଣ୍ଟ ଜରିଆରେ ହ୍ୱାଟ୍ସଆପ୍ରେ ଆପ୍ ପେମେଣ୍ଟ ବ୍ୟବହାର କରୁନଥିବା ବ୍ୟବହାରକାରୀକୁ ମଧ୍ୟ ଟଙ୍କା ପଠାଇ ହେବ।