ନୂଆଦିଲ୍ଲୀ: ଜୁଲାଇରେ ନାଲି ଆଖି ଦେଖାଇଛି କରୋନା । ଭାରତ ଏବଂ ଓଡ଼ିଶାରେ ଲମ୍ବା ଲମ୍ଫ ମାରିଛି । ଦେଶରେ ଦିନକୁ ୫ ହଜାର ପାର୍ କରିଛି ପଜିଟିଭ କେସ୍ । ଲକ୍ଷାଧିକ ପଜିଟିଭ ବାହାରିଛନ୍ତି । ଜୁଲାଇରେ ଦେଶରେ ସାଢ଼େ ୧୦ ଲକ୍ଷରୁ ଅଧିକ ସଂକ୍ରମିତ ହୋଇଥିବା ବେଳେ ରାଜ୍ୟରେ ୨୪ ହଜାରରୁ ଅଧିକ ନୂଆ ଆକ୍ରାନ୍ତ ଚିହ୍ନଟ ହୋଇଛନ୍ତି ।
ଦେଶରେ ସାଢ଼େ ୧୦ ଲକ୍ଷ, ରାଜ୍ୟରେ ୨୪ ହଜାର
ଜୁଲାଇ ୧ରେ ଦେଶରେ ଭୂତାଣୁ ସଂକ୍ରମିତଙ୍କ ସଂଖ୍ୟା ଥିଲା ୫ ଲକ୍ଷ ୮୫ ହଜାର ୪୯୩ । ସେତେବେଳେ ଓଡ଼ିଶାରେ ୭ ହଜାର ୫୪୫ ଜଣ ଆକ୍ରାନ୍ତ ଥିଲେ । ଜୁଲାଇ ୩୧ରେ ଦେଶରେ ପଜିଟିଭ୍ କେସ୍ ବଢ଼ି ୧୬ ଲକ୍ଷ ୩୮ ହଜାର ୮୭୦ରେ ପହଞ୍ଚିଥିଲା । ରାଜ୍ୟରେ ୩୧ ହଜାର ୮୭୭କୁ ବୃଦ୍ଧି ପାଇଥିଲା ଭୂତାଣୁ ସଂକ୍ରମିତଙ୍କ ସଂଖ୍ୟା ।
ଦେଶରେ ୬୪%, ରାଜ୍ୟରେ ୭୬% ସଂକ୍ରମଣ
ଜୁଲାଇରେ ଦେଶରେ ୧୦ ଲକ୍ଷ ୫୩ ହଜାର ୩୭୭ ନୂଆ ଆକ୍ରାନ୍ତ ବାହାରିଥିବା ବେଳେ ଓଡ଼ିଶାର କୋରୋନା ସଂକ୍ରମିତଙ୍କ ତାଲିକାରେ ଯୋଡ଼ି ହୋଇଥିଲେ ୨୪ ହଜାର ୨୪୩ ଜଣ । ଗୋଟିଏ ମାସରେ ଭାରତରେ ସଂକ୍ରମଣ ୬୪ ପ୍ରତିଶତ ବୃଦ୍ଧି ପାଇଥିଲା । ଓଡ଼ିଶାରେ ୭୬ ପ୍ରତିଶତ ନୂଆ ସଂକ୍ରମିତ ଚିହ୍ନଟ ହୋଇଥିଲେ ।
ମୁଣ୍ଡ ନେଇଛି କରୋନା
ଜୁଲାଇରେ ଦେଶ ଓ ରାଜ୍ୟରେ ବଢ଼ିଥିଲା କରୋନା ମୃତ୍ୟୁ ସଂଖ୍ୟା । ଜୁଲାଇ ୧ରେ ଦେଶରେ ପ୍ରାଣ ହରାଇଥିଲେ ୧୭ ହଜାର ୪ ଶହ ଆକ୍ରାନ୍ତ । ସେତେବେଳେ ଓଡ଼ିଶାରେ କରୋନା ନେଇଥିଲା ୨୭ ମୁଣ୍ଡ । ଜୁଲାଇ ୩୧ ସୁଦ୍ଧା ଭାରତର ମୃତ୍ୟୁସଂଖ୍ୟା ୧୭ ହଜାରରୁ ବଢ଼ି ୩୫ ହଜାର ୭୪୭ରେ ପହଞ୍ଚିଗଲା । ଓଡ଼ିଶାରେ ଜୁଲାଇ ମାସ ସୁଦ୍ଧା ୧୭୭ ମୁଣ୍ଡ ନେଇଥିଲା କରୋନା ।
ସୁସ୍ଥ ହୋଇଛନ୍ତି ଅଧିକ
ଦେଶରେ ସଂକ୍ରମଣ ବଢ଼ିଥିଲା ବି ଆଶ୍ୱସ୍ତିକର ଖବର ହେଉଛି ଅଧିକ ଲୋକ କରୋନାରୁ ସୁସ୍ଥ ହୋଇଛନ୍ତି । ଜୁଲାଇ ୧ତାରିଖରେ ଦେଶରେ କରୋନା ଆକ୍ଟିଭ କେସ୍ କେସ୍ ଥିଲା ୨ ଲକ୍ଷ ୨୦ ହଜାର ୧୧୪ । ସେତେବେଳେ ଓଡ଼ିଶାରେ ୨ ହଜାର ୧୫୭ଟି କରୋନା ସକ୍ରିୟ ମାମଲା ରହିଥିଲା । ଜୁଲାଇ ୩୧ରେ ଦେଶରେ ରହିଥିଲା ୫ ଲକ୍ଷ ୪୫ ହଜାର ୩୧୮ ଆକ୍ଟିଭ୍ କେସ୍ । ଓଡ଼ିଶାରେ ଏହି ସଂଖ୍ୟା ଥିଲା ୧୧ ହଜାର ୧ ୪୫ ।
BREAKING NEWS
- ଗୁଗୁଲରେ ଦଳୀୟ ପ୍ରଚାର ପାଇଁ ୧୦୦ କୋଟିରୁ ଉର୍ଦ୍ଧ୍ବ ଖର୍ଚ୍ଚ କରି ପ୍ରଥମରେ ବିଜେପି
- ତେଜସ୍ୱୀ ସୂର୍ଯ୍ୟାଙ୍କ ନାଁରେ ମାମଲା ରୁଜୁ, ଧର୍ମ ନାଁରେ ଭୋଟ୍ ମାଗୁଥିବା ଅଭିଯୋଗ
- ଜମୁଛି ନିର୍ବାଚନୀ ପ୍ରଚାର ମୈଦାନ; ଜଗତସିଂହପୁରରେ ବିରାଟ ଶୋଭାଯାତ୍ରାରେ ଆସି ପ୍ରାର୍ଥୀଙ୍କୁ ଭୋଟ୍ ଭିକ୍ଷା କଲେ ପ୍ରଶାନ୍ତ ଓ ଚିରଞ୍ଜୀବ
- ତତଲା କଡେଇରେ ସିଝୁଛି ଓଡିଶା, ୪୪.୬ ଡିଗ୍ରୀ ସହ ଅନୁଗୁଳ ସବୁଠୁ ଉତ୍ତପ୍ତ ସହର
- ବିଜେଡି ଯୁବ ଉପସଭାପତି ରାକେଶ ନାୟକଙ୍କ ସହ ପଦ୍ମ ଧରିଲେ ବହୁ ନେତା ଓ କର୍ମୀ
- ଧୋନୀ କରିବେ କି କମବ୍ୟାକ୍?
- ମିଶ୍ରଣ ପର୍ବ: ବିଜେଡି ଛାଡି ବିଜେପିରେ ମିଶିଲେ ବିଧାୟକ ପର୍ଶୁରାମ ଧଡା
- ସୋପୋରରେ ସୁରକ୍ଷାକର୍ମୀ ଓ ଆତଙ୍କବାଦୀ ମୁହାଁମୁହିଁ, ୨ ଆତଙ୍କୀ ନିପାତ
- ଚିତ୍ରକୋଣ୍ଡା ସମର : ସବୁ ଦଳଙ୍କ ନଜର
- ନବରଙ୍ଗପୁରରେ ଖୁଡି-ପୁତୁରା ଲଢେଇ