ମୁମ୍ବାଇ: ଆଗାମୀ ଦିନରେ ଆସୁଛି ଅକ୍ଷୟ କୁମାରଙ୍କ ନୂଆ ଫିଲ୍ମ ରକ୍ଷା ବନ୍ଧନ । ଏ ନେଇ ଖୋଦ ଅକ୍କି ସୋସିଆଲ୍ ମିଡିଆରେ କନଫର୍ମ କରିଛନ୍ତି । ଏହି ଫିଲ୍ମଟିକୁ ସେ ନିଜ ଭଉଣୀ ଅଳକାଙ୍କୁ ଡେଡିକେଟ୍ କରିଛନ୍ତି ।
ଫିଲ୍ମର ନିର୍ଦ୍ଦେଶନା ଭାର ଆନନ୍ଦ ଏଲ୍ ରୟ ସମ୍ଭାଳିଥିବାବେଳେ କାହାଣୀ ଲେଖିଛନ୍ତି ହିମାଂଶୁ ଶର୍ମା । ବଲିଉଡ ଷ୍ଟାରଙ୍କ ମାମଲାରେ ପ୍ରତିବର୍ଷ ସବୁଠୁ ଅଧିକ ଫିଲ୍ମ ଅକ୍ଷୟଙ୍କର ହିଁ ରିଲିଜ ହୋଇଥାଏ । ଅନେକ ଇଣ୍ଟରଭ୍ୟୁରେ ସେ କହିଥିଲେ, ଫିଲ୍ମର ବଜେଟ ଯାହା ବି ହେଉନା କାହିଁକି । ଜୀବନରେ ବଂଚିବା ପାଇଁ ଟଙ୍କା ଦରକାର । ଏଥିପାଇଁ ସେ କୌଣସି ଫିଲ୍ମ ସହଜରେ ହାତଛଡା କରନ୍ତି ନାହିଁ । ତେବେ ସମାଜକୁ ଭୁଲ ବାର୍ତ୍ତା ଦେଉଥିବା ଫିଲ୍ମକୁ ସେ କେବେ ବି ହଁ ଭରିନାହାନ୍ତି ।
ଫିଲ୍ମ ରକ୍ଷା ବନ୍ଧନର କାହାଣୀ ତାଙ୍କୁ ଖୁବ ପସନ୍ଦ ଆସିଥିବାରୁ ସେ ଏହାକୁ କରିବା ପାଇଁ ସାଇନ୍ କରିଛନ୍ତି । ୨୦୨୧, ନଭେମ୍ବର୫ରେ ଫିଲ୍ମଟି ରିଲିଜ ହେବାର ସମ୍ଭାବନା ରହିଛି ।