ଅକ୍ଷୟ ବେହେରା
କିଛି ଭୁଲ ରହିଗଲା କି କେଉଁଠି
ସେମିତି କେବେ ମନ କରି ନ ଥିଲି ତ
ଅବେଳର କାହିଁକି ମନ ବଳେଇଲି
ନୀରା କଣ କିଛି ବିପଦକୁ ସାମ୍ନା
କରିଛି କି?
ଏତେ ଟିକେ ପ୍ରଲୋଭନ
ମାତ୍ର କେତୋଟି ସେକେଣ୍ଡର
କଥା, ଏତେ ବ୍ୟଥା ଦେଉଛି କାହିଁକି
ମୁଁ ତ ସର୍ତ୍ତ ରଖିଥିଲି ଏ ପଥରେ
ଦେହ ନୁହେଁ ଛାଇଟିଏ ହିଁ
ପ୍ରେମ ପାଇଁ ଯଥେଷ୍ଟ..
ଛାଇଟିଏର ଯେଉଁ ଶାଶ୍ୱତତା
ତାହା ହିଁ ତ କଳୁଷିତ ଦେହର
ନିର୍ଗୁଣ ଅଂଶ
କୁହା ଯାଏ
ପ୍ରେମରେ ଯେଉଁଠି ସର୍ତ୍ତ
ସେ ନୁହେଁ ପ୍ରେମ
ମୁଁ କିନ୍ତୁ ନୁହେଁ ଏକମତ..
ମୋ ବିଚାରରେ ପ୍ରେମରେ
ରହିବା ଭଲ, କିଛିକିଛି ସର୍ତ୍ତ l
ମୋ :୯୪୩୭୨୭୯୯୪୧