ମୂଳ ହିନ୍ଦୀ : ଅଟଳ ବିହାରୀ ବାଜପେୟୀ
ଅନୁବାଦ : ସରଳ କୁମାର ଦାସ
ଘରଟା ଯେମିତି ହେଇଥିଲେ ବି …….
ତା’ର ଗୋଟେ କୋଣରେ …. …
ମନଖୋଲା ହସିବା ଲାଗି ଜାଗାଟିଏ ରଖ …
ସୂର୍ଯ୍ୟ ଯେତେ ଦୂରରେ ଥିଲେ ବି…,
ତାଙ୍କୁ ଘରକୁ ଆସିବାକୁ ବାଟ ଦିଅ …,
ବେଳେ ଅଧେ ଛାତରେ ଚଢି …
ତାରା ଅବଶ୍ୟ ଗଣ …
ହେଇ ପାରିଲେ ହାତ ବଢାଇ …
ଜହ୍ନ ଛୁଇଁବାକୁ ଚେଷ୍ଟା କର …
ଲୋକଙ୍କ ସହ ମିଳାମିଶା କରିବାର ଥିଲେ …
ଘର ପାଖରେ ପଡୋଶୀ ନିଶ୍ଚୟ ରଖ …
ଭିଜିବାକୁ ଦିଅ ବର୍ଷାରେ …
ଡିଆଁଡିଇଁ ବି କରିବାକୁ ଦିଅ …
ହେଇ ପାରିଲେ ପିଲାମାନଙ୍କୁ …
କାଗଜ ଡଙ୍ଗାଟିଏ ଭସାଇବାକୁ ଦିଅ …
ଯଦି ଫୁରୁସତ ମିଳେ, ଆଉ ଆକାଶ ଥାଏ ପରିଷ୍କାର …
ତେବେ ଆକାଶରେ ଗୁଡିଟିଏ ଉଡାଅ …
ହେଇ ପାରିଲେ ଗୋଟେ ଅଧେ ପେଞ୍ଚ ବି ମାର …
ଘର ଆଗରେ ଗଛଟିଏ ରଖ …
ସେଥିରେ ବସିଥିବା ପକ୍ଷୀଙ୍କ …
କଥାବାର୍ତ୍ତା ଅବଶ୍ୟ ଶୁଣ …
ଘରଟା ଯେମିତି ହେଇଥିଲେ ବି …
ଘରର ଗୋଟେ କୋଣରେ …. …
ମନଖୋଲା ହସିବା ଲାଗି ଜାଗାଟିଏ ରଖ …
ଯେଉଁ ବାଟ ଦେଇ ଯାଅ ନା କାହିଁକି …
ମଧୁର ଆଲୋଡନଟିଏ ବିଛୁରି ଦିଅ …
ବୟସର ‘ପ୍ରତିଟି ପର୍ଯ୍ୟାୟ’ ଭାରି ମଜାଦାର …
ନିଜ ‘ବୟସ’କୁ ଉପଭୋଗ କର …
ପ୍ରାଣବନ୍ତ ରୁହ ମହାଶୟ …
ଉଦାସ ଏ ମୁହଁ କାହିଁକି …
ସମୟ ତ ବିତି ଯାଉଛି …
ବୟସ କଥା କିଏ ପଚାରେ … !
ନୂଆପଲ୍ଲୀ,
ଭୁବନେଶ୍ଵର -୭୫୧୦୧୨
ମୋ. ୯୪୩୭୦୩୮୦୧୫