ଝରଣା ବାରିକ
ମୁହିଁ ବି ଯବାନ ମୁହିଁ ବି କିଷାନ
ଚାଷୀ କୁଳେ ମୋର ଜନ୍ମ
ମୋ ଗାଁ ମୁଣ୍ଡରେ ଦୁଇ ମାଣ ଜମି
ସେଥିରେ କରଇ ଶ୍ରମ l
ଏହି ଗାଆଁରେ ମୋ ବିତିଲା ଶୈଶବ
କିଶୋର ବି ଗଲା ସରି
ଯୌବନରେ ମୁଁ ପଦାର୍ପଣ କରି
ଚାଷ କାମ ଗଲି କରି l
ଲହୁ ଢାଳି ମୁହିଁ ନିଜେ କଲି ଚାଷ
ମାଟି ସହ ମାଟି ହୋଇ
ସୁନ୍ଦର ଫସଲ ଦେଖିଦେଲେ ସେଠି
ତାପରେ ଯାଏ ଶୋଇ l
ଜମିରେ ହୋଇଛି ବାସମତି ଧାନ
ସୁନା କେଣ୍ଡା କେରି କେରି
ହୁଡ଼ା ବନ୍ଧରେ ବି ଲଗେଇ ଦେଇଛି
ହରଡ ମକା ଓ ବିରି l
ବାକି ଜମି ସବୁ ଅନ୍ୟ ଚାଷୀ କରି
ପରିବାର ମୋର ପାଳେ
ଗାଆଁ ପରିବେଶ ମୋର ଏହି ଚାଷ
ରହି ଥାଉ କାଳେ କାଳେ l
ସମଲ, ତାଳଚେର, ଅନୁଗୁଳ