ନୂଆଦିଲ୍ଲୀ: ଆଜି ମାର୍ଚ୍ଚ ୮ ତାରିଖ । ଆନ୍ତର୍ଜାତୀୟ ମହିଳା ଦିବସ । ମହିଳାଙ୍କ ପାଇଁ ଆଜିର ଦିନ । ଚଳିତ ବର୍ଷର ଥିମ ରହିଛି ଇନଭେଷ୍ଟ ଇନ୍ ଓ୍ବୋମେନ୍, ଆସିଲିଟେଡ ପ୍ରୋଗେସ୍ ଅର୍ଥାତ ମହିଳାଙ୍କ ଉପରେ ନିବେଶ ପ୍ରଗତିକୁ କରିବ ତ୍ବରାନିତ । ମହିଳାଙ୍କ ଉପଲକ୍ଷେ ଆଜି ବିଭିନ୍ନ ସ୍ଥାନରେ ମହିଳାଙ୍କୁ ନେଇ କାର୍ଯ୍ୟକ୍ରମ ମଧ୍ୟ କରାଯାଉଛି । ହେଲେ ଆପଣମାନେ ଜାଣିଛନ୍ତି କାହିଁକି ଏ ଦିନକୁ ପାଳନ କାହିଁକି କରାଯାଏ । ଏହା ପଛରେ କ’ଣ ରହିଛି କାରଣ ।
ମହିଳା ଜାତି ସମାଜରେ ପୁରୂଷ ପରି ସକ୍ଷମ । ମହିଳା ସବୁ କ୍ଷେତ୍ରରେ ତାଙ୍କ ଦକ୍ଷତା ଦେଖାଉଛନ୍ତି । କିନ୍ତୁ ଆଜି ବି ସମାଜରେ ମହିଳାଙ୍କୁ ପୁରୁଷଙ୍କ ତୁଳନାରେ ସମାନ ସମ୍ମାନ ଓ ସୁଯୋଗ ମିଳେନି । ଏହାର ଗୋଟିଏ କାରଣ ହେଉଛି ମହିଳାମାନେ ସେମାନଙ୍କର ଅଧିକାର ବିଷୟରେ ଜାଣି ନଥାନ୍ତି । ସମାନ କ୍ଷେତ୍ରରେ ସମାନ କାର୍ଯ୍ୟ କରୁଥିବା ଜଣେ ପୁରୁଷ ମହିଳାଙ୍କ ଅପେକ୍ଷା ଅଧିକ ରୋଜଗାର କରନ୍ତି |
ସେହିଭଳି ଅନ୍ୟାନ୍ୟ କ୍ଷେତ୍ରରେ ମଧ୍ୟ ମହିଳାମାନେ ସେମାନଙ୍କର ଅଧିକାର ବିଷୟରେ ଜାଣି ନଥିବାରୁ ସମାନ ସୁଯୋଗଠାରୁ ଦୂରରେ ରୁହନ୍ତି |ପ୍ରତ୍ୟେକ କ୍ଷେତ୍ରରେ ମହିଳାଙ୍କ ଅଂଶଗ୍ରହଣକୁ ପ୍ରୋତ୍ସାହିତ କରିବା ଏବଂ ମହିଳାମାନଙ୍କୁ ସେମାନଙ୍କର ଅଧିକାର ବିଷୟରେ ଅବଗତ କରାଇବା ପାଇଁ ପ୍ରତିବର୍ଷ ଆନ୍ତର୍ଜାତୀୟ ମହିଳା ଦିବସ ପାଳନ କରାଯାଏ |ମହିଳା ଦିବସ ଅବସରରେ ସାରା ବିଶ୍ୱରେ ଅନେକ କାର୍ଯ୍ୟକ୍ରମ ଆୟୋଜିତ ହୋଇଛି | ଯାହାର ମୂଳ ଲକ୍ଷ୍ୟ ମହିଳାଙ୍କୁ ତାଙ୍କ ଅଧିକାର ବିଷୟରେ ଜଣାଇବା ଏବଂ ସମାଜରେ ମହିଳାଙ୍କୁ ପୁରୁଷଙ୍କ ସହ ସମାନ ସମ୍ମାନ ଦେବା ।
ପ୍ରତିବର୍ଷ ମାର୍ଚ୍ଚ ୮ ତାରିଖରେ ମହିଳା ଦିବସ ପାଳିତ ହୁଏ । ସବୁ ବର୍ଷ ମହିଳାଙ୍କୁ ସଶକ୍ତ କରିବା ପାଇଁ ଏହି ଦିନକୁ ବିଶ୍ବସ୍ତରରେ ପାଳନ କରାଯାଏ । ୧୯୦୯ ମସିହାରୁ ଏହି ଦିନକୁ ପାଳନ କରିବାର ଆରମ୍ଭ ହୋଇଥିଲା ।
୧୯୦୮ ମସିହାରେ ଆମେରିକାରେ ଶ୍ରମିକ ଆନ୍ଦୋଳନ ହୋଇଥିଲା । ଏହି ଆନ୍ଦୋଳନରେ ପାଖାପାଖି ୧୫ ହଜାର ମହିଳା ସାମିଲ ହୋଇଥିଲେ । ଯେଉଁମାନେ ନିଜ ଅଧିକାର ଦାବିରେ ନ୍ୟୁୟର୍କ ରାସ୍ତାକୁ ଓହ୍ଲାଇ ପ୍ରତିବାଦ କରିଥିଲେ । କାର୍ଯ୍ୟରତ ମହିଳାମାନେ ସେମାନଙ୍କର କାର୍ଯ୍ୟ ସମୟ ହ୍ରାସ କରାଯାଉ ଏବଂ ଦରମା ବୃଦ୍ଧି କରାଯାଉ ବୋଲି ଦାବି କରିଥିଲେ। ଏହା ବ୍ୟତୀତ ମହିଳାମାନଙ୍କୁ ଭୋଟ୍ ଦେବାର ଅଧିକାର ଦେବା ପାଇଁ ଏହି ଆନ୍ଦୋଳନରେ ଏକ ଦାବି ମଧ୍ୟ ରହିଥିଲା। ଯେତେବେଳେ କାର୍ଯ୍ୟରତ ମହିଳା ଆନ୍ଦୋଳନର ସ୍ୱର ସରକାରଙ୍କ କାନରେ ପହଞ୍ଚିଲା, ଏହା ଠିକ୍ ଗୋଟିଏ ବର୍ଷ ପରେ ୧୯୦୯ ମସିହାରେ ଆମେରିକାର ସମାଜବାଦୀ ପାର୍ଟି ମହିଳା ଦିବସ ପାଳନ କରିବାକୁ ଘୋଷଣା କଲା।
ମହିଳା ଦିବସ ୮ ମାର୍ଚ୍ଚରେ ପାଳନ କରିବା କାରଣ ମଧ୍ୟ ରହିଛି । ଆମେରିକାରେ କାମ କରୁଥିବା ମହିଳା ୮ ମାର୍ଚ୍ଚରେ ସେମାନଙ୍କ ଅଧିକାରକୁ ନେଇ ରାସ୍ତାକୁ ଓହ୍ଲାଇଥିଲେ । ଯାହା ପରେ ଏହି ଦିନକୁ ମହିଳା ଦିବସ ଭାବେ ପାଳନ କରିବାକୁ ସମାଜବାଦୀ ପାର୍ଟି ଘୋଷଣା କରିଥିଲା । ପରେ ୧୯୧୭ ମସିହାରେ ବିଶ୍ବଯୁଦ୍ଧ ଭିତରେ ରୁଷ ମହିଳା ବ୍ରେଡ ଏବଂ ଗ୍ରୀଟସ ପାଇଁ ଆନ୍ଦୋଳନକୁ ଓହ୍ଲାଇଥିଲେ । ପରେ ସମ୍ରାଟ ନିକୋଲସ ତାଙ୍କ ପଦ ତ୍ୟାଗ କରିଥିଲେ । ମହିଳାଙ୍କୁ ମତଦାନର ଅଧିକାର ମିଳିଥିଲା । ଏହାକୁ ଦେଖି ୟୁରୋପର ମହିଳାମାନେ ମଧ୍ୟ ଶାନ୍ତି କାର୍ଯ୍ୟକର୍ତ୍ତାଙ୍କୁ ସମର୍ଥନ କରି କିଛି ଦିନ ପରେ ମାର୍ଚ୍ଚ 8ରେ ରାଲି କରିଥିଲେ। ଏହି କାରଣରୁ ମାର୍ଚ୍ଚ ୮ ରେ ଆନ୍ତର୍ଜାତୀୟ ମହିଳା ଦିବସ ପାଳନ ଆରମ୍ଭ ହୋଇଥିଲା | ପରେ ୧୯୭୫ରେ ମିଳିତ ଜାତିସଂଘ ଆନ୍ତର୍ଜାତୀୟ ମହିଳା ଦିବସକୁ ମାନ୍ୟତା ଦେଲା |